admin
IQEMBU lamaMighty Warriors likhangelelwe ukuthi libuyele enkundleni ngenyanga ezayo lapho elizancintisa khona kunkezo yeCosafa eSouth Africa. Umkhankaso wenkezo le, edibanisa amazwe alitshumi lasithupha uqala mhlaka 15 Mpandula usiyaphetha mhlaka 26 eNelson Mandela Bay. AmaMighty Warriors ahlelwe kuqula lesibili elilamaqembu abalisa iBotswana, Tanzania leSouth Sudan.
Umqeqetshi wamaMighty Warriors uSithethelelwe “Kwinji 15” Sibanda utshele uMthunywa ngoMgqibelo ukuba loba engazange athole isikhathi eside sokuthi alolonge abadlali, uzazama ukuthi abumbe iqembu eliyanqoba eSouth Africa. “Ngilethemba lokuthi abadlali bebezilolonga besemakhaya. Loba sihlezi isikhathi eside singahlangani, ngiyakholwa ukuthi abadlali baqinile,” kutsho umqeqetshi lo.
Nantu uluhlu lwamaqembu akunkezo ye2021 COSAFA WOMEN’S CHAMPIONSHIP:
Group A: South Africa, Angola, Malawi, Mozambique
Group B: Botswana, Tanzania, South Sudan, Zimbabwe
Group C: Zambia, Namibia, Eswatini, Uganda
Online Reporter