admin
Nkosilathi Sibanda
UMAQHUZU wenhlanganiso yePremier Soccer League (PSL) uKennedy Ndebele uthe akasoze wayikhohlwa imfundiso ayithola kumuyi uErnest “Maphepha” Sibanda.
UNdebele, owasebenza loMaphepha isikhathi eside kumdlalo wenguqu, uchaze umuyi njengendoda eyayizimisele emsebenzini wayo, eyayisenelise ukukhuthaza abadlali ngaso sonke isikhathi.
“Indoda ebivutha ngothando, ithalenta, ukusebenza nzima izinikele kumdlalo wenguqu. Ubelenhlonipho, ezithobile ngaso sonke isikhathi ekhuthaza abafana.
“Ngakholisa ukusebenza laye. Ubuyinsika kuqembu leHighlanders elanqoba izicoco ezinengi kusukela ngo-1999 kusiya ku2002. Ngizahlala ngikukhumbula lokhu. Lala ngokuthula maneja. Angikhumbuli ngitsho ilanga elilodwa ngikubiza ngelakho elokuzalwa…,” nguNdebele lo. UMaphepha ubekwe ngoMgqibelo emathuneni eLady Stanley koBulawayo.
Online Reporter