admin
Ethel Ncube
KUBELOKUZAMAZAMA komhlaba kwezinye indawo ezisesabelweni seMatabeleland South ngoLwesibili ebusuku kubika ababona ngezomumo womkhathi.
Kubikwa ukuzamazama komhlaba lokhu kuzwakale endaweni ezibalisa eGwanda, Kezi, Plumtree, Matopo ezinye ingxenye zakoBulawayo kunye lezinye indawo eziseduzane lendawo lezi.
Ubukhulu bokuzama lokhu abezomkhathi babika ukuthi bekungaba yisilinganiso se 4.1.
Kubikwa ukuzamazama kakhulu kuzwakale esigabeni seMatobo okungaba ngamakhilomitha angu-20 usuka eMaphisa okuphinda kube yi 40km usuka edolobheni leGwanda kodwa kuzwakale kakhulu esabelweni seMatabeleland South lengxenye zeBulawayo Metropolitan.
UMnumzana Sibanda obona ngezomumo womkhathi emawofisini eKezi uthe ihlekana labantu akhulume lalo eliseKezi libike ukuba likuzwile ukuzamazama komhlaba. UMnumzana Mahweda osewofisini yeMatopo kanye loMnumzana Sibindi osePlumtree baveze ukuthi labo bakuzwile lokhu endaweni abakizo.
UMnumzana Munyira obona ngezomkhathi esabelweni seMatabeleland South uthe laye ukuzwile lokhu njalo wamukele imbiko evela ebantwini abazwe lokhu eGwanda lezinye ingxenye zesabelo.
UMnumzana James Ngoma wogatsha lwezomkhathi uthe akula Ngozi ezibangelwe yikuzamazama lokhu kodwa bazaqhubeka bechwayisisa ukuze kubonakale ubukhulu kanye lokwazi lapho okuzwakale khona ukuzamazama lokhu.
Intatheli ixhumane loDistrict Administrator weMaphisa Mnumzana Obey Chaputsira ovumileyo ukuba ukuzamazama lokhu kuzwakele eMaphisa.
“Kubelokuzamazama komhlaba izolo ebusuku sekuzatshaya ihola letshumi. Okwakhathesi akulamuntu olimeleyo kumbe impahla etshabaleleyo asikatholi mbiko,’’ kubika uMnu Chaputsira.
Intatheli ixhumane lesakhamuzi sakule indawo uMnumzana John Sibanda obike ukuba uzwe okunye angakaze akuzwe.
“Ngizwe kunyikinyeka yonke indawo amafasitela ekhala ngaphuma ngithelile ngisiyaphandle ngicabanga ukuthi kumbe indlu isidilika bengingasazi ukuthi ngenze njani ngicabanga ukuthi nxa ngiphandle ngiyabe ngiphephile,” kubika uMnu Sibanda.
UMnumzana Jothamu Ndlovu uzwe umdumo ongejwayelekanga kibo eKezi.
“Besekulihola letshumi ebusuku inengi beselilele ngezwa ukunyikinyeka okungajayelekanga inkomitsho ebiphansi layo ikhanya inyikinyeka lendlu isingani izadilika,” kutsho uMnu Ndlovu.
Online Reporter