adminJOHANNESBURG — Umlingisi odlala kumdlalo oyintandokazi kumabonakude iSibaya uyindoda enenhliziyo enhle kodwa uma engekho emsebenzini akanjalo njengoba “edebeze” indoda ngebhodlela ebusweni.
Lezi zinsolo zivele ngemuva kombiko wabe-Eyewitness owawuthi uMduduzi Gumede odlala indawo kaNtandane kwiSibaya wagwaza indoda ebusweni.
UKhutso Madubanya uthi lesi sigameko senzeka emcimbini we-iRock Festival eRustenburg ngesonto eledlule ngesikhathi esezogibela ibhasi elibheke eGoli.
“Ngase ngizongena ebhasini ngesikhathi kwenzeka isehlakalo,” kutsho uKhutso.
“Angisakhumbuli ukuthi sasikhuluma ngani kodwa ngezwa ngento nje ngaphansi kweso lami. Ngaphenduka ngambona ephethe ibhodlela, gwiqiqi ngazibona sengopha ebusweni.
“Ngaphambi kokuthi ngiziphindiselele kukhona owangidonsela kwi-ambulensi eyayiseduze ngalashwa,” kuqhuba uKhutso. — Ubulembu
Online Reporter