Siphakeme .Mnindwa
Bhekimpilo Tshalibe
ABALIMI sebekhuthazwe ukuthi balime ihanyanisi ngoba iyavuma ngesikhathi lesi.
UMsekeli kaMqondisi we-Department of Agricultural and Rural Development Advisory Services (Ardas) uxwayise abalimi ukuthi kulesi isigaba sokulima balime ihanyanisi ngoba yenza kuhle okumangalisayo ngalesisikhathi.
Uthe ukulima kuyibhizimusi kungakho abalimi kuyadingeka ukuthi benze i-market orientation bengakalimi.
“Isikhathi esiqondileyo sokulima ihanyanisi yinyanga kaZibandlela kusiyacina kuMbimbitho. Sikhuthaza abalimi ukuthi bengakahlanyeli baqale baye emkambo bakhangele ukuthi abantu bathanda wuphi umhlobo,” kutsho uMnu Ncube.
Uqhubekele phambili wathi ukhuthaza abalimi ukuthi baqale belungise umhlabathi wabo bengakayihlanyeli.
“Sikhuthaza abalimi ukuthi balungise umhlabathi wabo bengakahlanyeli. Kuthi ngemva kwamaviki ambalwa bagxumeke (transplanting).
“Ngemva kwamaviki angu-8 sikhuthaza abalimi ukuthi benze i transplanting njalo ngemva kokwenza i-transplanting bafake i-top dressing ye-ammonium nitrate,” kutsho uMnu Ncube.
Uthe ihanyanisi ilezibungu lemikhuhlane emilutshwane njalo ukhuthaza abalimi ukuthi bayifafaze.
“Ihanyanisi ivame ukuhlaselwa yizibungu ezigoqela ama trips kanye lama-cut worms, lemikhuhlane egoqela i-down mildew kanye le neck rot njalo sikhuthaza abalimi ukuthi bafafaze ihanyanisi yabo ngemithi egoqela i-lambda cyhalithrin kanye le Dithane M45,” kuphetha uMnu Ncube.
Online Reporter