admin
Ethel Ncube
ABALIMI bakhuthazwa ukuba balungiselele inhlanyelo yabo ngoba isikhathi sokulima sesisondele.
Omunye umlimisi wenhlanganiso yeAgritex esabelweni seMatabeleland North uMnumzana John Ndlovu uveze ukuba abalimi sokumele babone ukuba inhlanyelo zabo zihlalela eduze.
Ekhuluma loMthunywa uMnu Ndlovu uchaze ukuba akulungiselelwe khathesi.
“Isikhathi sokulima sesisondele asilungiseni inhlanyelo zethu konke kuhlale kuseduze. Amakhuba awahlale elungisiwe njalo akhangelwe ukuba amabhawudo abotshwe kuhle lezikali zekhuba zilungisiwe.
“Inhlanyelo zonke azihlalele eduzane konke amakhomane, imfe, amathanga, indlubu lamazambane lezinye izilimo azilungiswe kuthi izulu litshaya phansi konke sekulungele ukuthi kungenwe emasimini kulinywe,” kutsho uMnu Ndlovu.
Uqhubekele phambili eveza ukuba ukulungiselela kuqakathekile.
“Ukulungiselela kulesikhathi kuqakathekile kwenza lezilimo zakho nxa suhlanyela zingasaleli emuva ngoba ubuvele ulungiselele.
“Kungakho ngikhuthaza abalimi ukuba isikhathi sesihambile kabaqale ukubona ukuthi inhlanyelo zabo zonke abafisa ukuzihlanyela sezikhona,” kuphetha uNdlovu.
Online Reporter