Vusumuzi Dube
Zimpapers Sports Hub
UMDLALI we-boxing wakuleli, okuhlandla le-bantamweight, uMonica Mkandla, utshengise ukuthi ithalenta lakhe seliphezulu ngesikhathi enqoba uThema Zuma oweSouth Africa emdlalweni obuse-Emperor’s Palace ngoMgqibelo ebusuku.
Umdlalo lo ubungeyengxenye yomqhudelwano weSole Survivor.
UMkandla, owaziwa ngokuthi “Savage” utshengisele ukuthi usekhulile kulumdlalo nanko ekuqaleni, ubonise ukuzethemba okukhulu.
Ubambe uZuma engasazi ukuzilawula, emgcina ebuyela emuva isikhathi esinengi. UZuma, obizwa ngokuthi “Stone Cold,” uzamile ukumelana lomdlalo kodwa wehluleka.
Ukunqoba kukaMkandla kumkhuphule irekhodi lakhe lafika ku-9-0. Ukunqoba lokhu kuqakathekile ngoba uZuma ubekhangelwe njengomdlali ongawubamba lumdlalo.
UMkandla okwakhathesi ungumpetha we-African Boxing Union (ABU) SADC bantamweight. Ukunqoba uZuma kuzamvulela amathuba amakhulu kumidlalo yezwekazi le-Africa.
Uphinde wanconywa ekhaya njengoba ephinde wakhethwa kusicoco se-Annual National Sports Awards ku-Female Boxer of the Year.
Online Reporter