admin
Ethel Ncube
INGCITSHI kwezezifuyo zikhuthaza abafuyi ukuba njengoba sezingena emahlangeni abalimi kabananzelele okudliwa zinkomo zabo ngoba amanye amahlanga ayitshefu ezifuyweni.
UDokotela wezifuyo uAnele Dube uthe abalimi kumele baqaphele impande kumbe amahlanga ophoko ngoba kuyitshefu ezifuyweni.
“Ngikhuthaza uzulu wonke olima uphoko kanye lamabele ukuba nxa esevunile uphoko kumbe amabele ahle agebhe izitompi zakhona kanye lamahlanga akutshise kumbe enze umqhuba ngakho ukuze inkomo zingakudli,” kutsho uDkt Dube.
Uqhubekele phambili echaza ukuba amahlanga ophoko awabulali khonapho khonapho.
“Amahlanga lawa awabulali khonapho khonapho uyabona inkomo isigula ngemva kwesikhathi udinge uswele ukuba ikhathazwa yini kanti yadla kudala amahlanga la, udubeke uthenga imithi lamajekiseni uthwale nzima.
“Wonke umuntu olime uphoko lamabele laloba ungafuyanga gebha iziqinti ukhuphe lamahlanga akhona emasimini akho ukuze izifuyo zingakudli,” kuphetha uDkt Dube.
Online Reporter