admin
Pumulani Mpofu – KUMAVIKI adlulileyo besixoxisana ngokuthi umuntu engenza njani ukuthi aze athole incwadi yokuzalwa. Lokhu kwakugoqela ukuthi uyabe ezalelwe ngaphi; kungabe kusendlini, esibhedlela loba phandle kwelizwe. Nxa incwadi lezi sezithe zalahleka, kuyabe kumele uZulu kaNdaba aqale aye emapholiseni abhale i-affidavit eyabe ichaza ukuthi walahla, watshontshelwa kumbe kwatshela endlini abe esesiyathatha ezinye njalo incwadi.
Lokhu ngikutsho ngoba phela incwadi lezi zifuneka njalo ezindaweni ezitshiyeneyo. Ungahlala ungazilungisanga ube ususedlula emhlabeni abayabe besele emhlabeni yibo abasala lohlupho lokukulungisela lawo maphepha.
Nxa umuntu esethe walahla incwadi yakhe yokuzalwa, kuyabe kumele abuyele lapho ayithatha khona. Nxa ele-photocopy kumele ahambe layo kanye le-affidavit ayabe eyibhalile yadindwa ngamapholisa. Nxa engela photocopy kodwa wake wafunda kumbe wabhala uGrade 7 kuyabe kumele adinge i-birth entry number esithupheni sakhe kumbe ayekhangela i-photocopy yencwadi yakhe yokuzalwa esikolo lapho ayefunda khona.
Nxa kuyikuthi uyiswelile, uyahamba emahofisini kaHulumende akhangelane labathathisa ama-birth lama death certificate ayebhadala i $10 eyokuthi bamkhangelele incwadi yakhe abesebhadala eyinye i$5 yokuthi athole eyinye. Nxa kuyikuthi uyijahile kuyabe kumele abhadale imali engange $10.
Nxa kuyikuthi kulahleke isithupha, esezenge lese-plastic yi $10 kuyabe kumele umalahla ahambe emapholiseni ayebhala i-affidavit echaza ukuthi walahla isithupha abesesiyathatha esinye isithupha. Nxa ele-photocopy yesithupha kumele ukuthi ahambe layo, nxa engela engahamba lenombolo zakhe zesithupha le-birth certificate lapho athathela khona isithupha sakhe sakuqala.
Nxa umzali engela sithupha kenelisi ukuthi ayethathela abantwabakhe incwadi zokuzalwa.
Nxa kwalahleka i-death certificate kuyabe kufuneka, i-photocopy ye-death certificate kumbe i-death entry number.
Nxa wayetshadile kuyabe kufuneka isithupha somtshado lomfelokazi kumbe umfelwa abekhona nxa kusiyathathwa i-death certificate. Nxa i-death entry number ingekho le-photocopy ingekho kuyabe sekumele baye emahofisini kaHulumende abona ngokuthathisa ama-birth lama-death lezithupha bayebhadala i $10 yokuthi babakhangelele kumakhompuyutha besebebhadala eyinye i$5 ukuthi babaphe eyinye. Nxa beyijahile, kuyabe kumele bahlawule i$10.
Ngithanda ukuthi ngigcizelele lokhu. Nxa abantwana besiya esikolo bazali kuhle ukuthi amatitshala engacela incwadi zokuzalwa zabantwabethu sizihambise ngoba nxa isithe yalahleka incwadi yakho yokuzalwa kumbe eyomtanakho uyenelisa ukuthi uyecela i-photo copy kumbe i-birth entry number ubususiyathatha incwadi yokuzalwa.
Kuhle nje ukuthi umuntu ahlale elama photocopy ukwenzela ukuthi nxa engalahla incwadi zakhe enelise ukuthi athole ezinye. Loba nxa engalahlanga usufuna ukuyavula i-account ebhanga kumbe umntwana esesiyadingelwa indawo esikolo uyakhipha nje ku file uhambise lapho eyabe ifuneka khona.
Asihlanganeni ngeviki ezayo.
Umlobi uthinteka kukheli ethi [email protected]; lakunombolo ezithi 0773195055/09- 881508.
Online Reporter