admin
Singawo amasaladi enziwa ngemibhida engaphekwanga kodwa elokudla okuqinisa imizimba okuvikela imikhuhlane. Amasaladi ayathandeka kakhulu ngabatsha emadolobheni emidlalweni yonke jikelele.
Okudingakalayo
(i) Isaladi krimu (salad cream) kumbe imayonesi yokuhlanganisa imibhida
(ii) Izigaqa ezimbili zelethisi (lettuce)
(iii) Amatamatisi amathathu
(iv) Itshukela ngesilinganiso sakho
(v) Ukhezo lokudla ivinigar
(vi) Inkezo zokudla ezine zomhluzi wama orengi kumbe amalemoni
vii) Amakherothi amathathu lomganu omkhulu wokuhlanganisela lokhezo
Ukwenziwa
(i) Gezisa iletisi ngokuhlephula amahlanvu linye ngalinye.
(ii) Gezisa njalo amakherothi lamatamatisi. Phala amakherothi ngegiretha kumbe ingqamu.
(iii) Qoba amakherothi iziqana kumbe uwagirethe.
(iv) Thatha amahlamvu e-lettuce uwasikasike uwafake emganwini omkhulu
(v) Thela njalo ikherothi phezu kwamahlamvu e lettuce.
(vi) Hluba amatamatisi ubusuwaqoba iziqana
(vii) Thela amatamatisi phezulu kwekherothi
(viii) Thela phezulu kwakho konke umhluzi wama orange kumbe ilemoni
(ix) Kusenjalo khana isaladi kirimu kumbe imayonesi ngesilinganiso sakho uyithele phezulu kwakho konke
(x) Vuba uhlanganise konke okusenganwini ngokhezo
(xi) Vuvuzela itshukela uhlanganise njalo
(xii) Nxa kujiye kakhulu thela omunye umhluzi we orange, hlanganisa njalo uzwe kumbe itshukela lizwele kodwa ungalitheli kakhulu lilomkhuhlane.
Sihlobo usuyenzile isaladi yamakheroti, lettuce lamatamatisi isiphelile manje.
Ukudliwa
Ungayidla lerayisi lenyama lesitshwala lenyama lamagwili amatshakada
I salad yamagwili lephizi lendumba (green beans)
Okudingekayo
(i) Amagwili alingana imuli
(ii) Iphizi (peas kumbe indumba )
(iii) Isaladi cream kumbe imayonesi
(iv) Uchago, i-pepper levinigar
(v) Itshukela ngesilinganiso sakho
(vi) Umhluzi wama orange kumbe owelemoni
Ukwenziwa
(i) Gezisa amagwili uwapheke
(ii) Gezisa iphizi uzipheke lazo zodwa
(iii) Yekela konke kuphole laphaya
(iv) Qobaqoba amagwili uwafake emganwini omkhulu lapho okulephizi khona
(v) Thela isaladi cream kumbe imayonesi thela uchago, i-pepper umhluzi wama orange itshukela uhlanganise
(vi) Nanzelela amagwili angabuchuzeki
Ukudliwa
Dlana lakho konke lokhu inyama, irayisi, isitshala amatshakada isaladile yenza ukwabithe ukudla ukuzwe kunambitheka emlonyeni emlonyeni. Zwana uzenzele kholisa ukudla kwakho.
Online Reporter