Online Reporter
YiNtatheli kaMthunywa
IBIZO lakhe lingakamenyezelwa ku-balcony yeSt Peter’s Basilica, uzhizhi lwamakholwa beseluhlabela, lusithi: “Impilo ende Papa”.
URobert Francis Prevost, oleminyaka engu-69 yokuzalwa usenguPapa wesi- 267, njalo uzabizwa ngokuthi nguPapa Leo XIV.
Uyisizalwane seMelika sakuqala ukuthola lesi isihlalo sokukhokhela ibandla leRoma umhlaba wonke.
Wazalwa eChicago ngo-1955, edabuka emulini yesiSpanish lohlobo lwesiFranco-Italian. UPrevost waqala ukusebenzela ibandla engu-altar boy njalo wagcotshwa njengomfundisi ngo-1982.
Loba wasuka wayatshumayela ePeru, kuminyaka emithathu eyalandelayo, waphenduka kweleMelika esebenza engumfundisi edolobheni akhulela kulo. KwelePeru, ukhunjulwa kakhulu njengomuntu osebenzela umphakathi. Wahlala iminyaka elitshumi etshumayela eTrujillo enyakatho yePeru.
Ekhuluma ngemva kokugcotshwa kwakhe njengoPapa Leo, wethule amazwi amahle ngesimilo sikamuyi uPapa Francis.
“Sisalizwa ezindlebeni zethu ilizwi elibuthakathaka kodwa elalilesibindi elika Papa uFrancis owasibusisayo. “Sibambene futhi sisonke loNkulunkulu, kasithuthukeni ndawonye,” nguPapa Leo
