Pheka loMaMoyo: Inhlanzi ekhanzingiweyo

Kuyini inhlanzi bo! Yisitshebo esifana lenyoka esikhula emanzini/ inyamazana ehlala emanzini. Abanye abantu bayifuya emadamu bazidlele njalo bazithengisele.

Lamhlanje inhlanzi isingezinye zezibiliboco ezithandekayo kodwa-ke bakhona abangayidliyo inhlanzi bathi bazonda ukunuka kwayo. Yebo kambe likhona iphunga lenhlanzi, lanxa nje zitshiyana ngemihlobo yazo sinini sami, zimnandi inhlanzi, kufanele wena wazi ukuzipheka, ukuze uzikholise sibili. Bona-ke wena ukuthi uyakwazi ukuzipheka isibisibili, abadlayo bazidle bazikholise bakhukhuze kuhle amathambo bewalahla laphaya.

Inhlanzi ezikhanzingiweyo okudingakalayo:

Inhlanzi ezine

Inkezo zokudla ezimbili zemajarina

Ibilebile loba i-pepper

Amaqanda amabili

Imvuthi zesinkwa esosiweyo (toast)

Isawudo le nut meg

Itshukela

Udengezi lokukhanzingela lophini

Umganu omkhulu

llembu elomileyo

Ihanyanisi

Amanzi aqandayo

Ingqamu lefologo

Ukupheka

Qala ngokugeza izandla zakho.

Zesule izandla zakho ngelembu elomileyo.

Vula inhlanzi nganye ukhuphe okuphakathi okungadliwayo.

Zigezise kakhulukazi ukhuphe amathambo nxa engaphuma.

Qoba amaqatha alingeneyo.

Yesula amaqatha ngelembu elomileyo njalo elihlanzekileyo.

Bulala amaqanda amabili.

Tshaya amaqanda ngefologo aze ahlangane.

Faka imvuthu zesinkwa (toast) emganwini.

Faka udengezi eziko lutshe.

Gxamuza iqatha linye ngalinye phakathi kwamaqanda atshayiweyo.

Giqa iqatha linye ngalinye phakathi kwamaqanda atshayiweyo njalo laphakathi kwemvuthu ze(toast) lehanyanisi ekhazingiweyo.

Yenza njalo aze aphelele wonke amaqatha.

Khazinga kuhle kuze kube luthuthuvana.

Faka wonke ama-spices owathandayo.

Ukudliwa

-Lumela ngesitshwala lemibhida

-Lumela ngamagwili

Inhlanzi eziphekwa kuOven

Okudingakalayo

Inhlanzi ezingu ezine

Imajarina

Ifulawa elingeneyo

lbilebile, i-pepper lamanye ama-spices athandwa yimuli.

Uchago olubilayo.

Umganu oyincence (oven dish).

Ukupheka

Gezisa inhlanzi uziqobe amaqatha.

Zesule zome.

Zifake zome.

Zifake phezu kwe-oven dish.

Faka imajarina njalo uthele lochago faka njalo ama-spices owathandayo.

Pheka ku-oven etshisayo okwemizuzu elitshumi.

Khupha ku-oven faka inkezo zokudla ezimbili zemajarina lezefulawa.

Pheka lokhu ku-oven dish kuze kube luncutshancutsha.

Lapha sekujiyile thela phezu kwenhlanzi ephakathi kwe-oven dish.

Yekela ku-oven okwemizuzu emihlanu (5 mins).

Ukudliwa

-Dlana lesitshwala lerayisi kumbe amagwili.

“Bantu inhlanzi zimnandi”