admin
Wayne Ncube
ABE-AGRIVET sebekhuthaze abalimi ukuthi baphendule umhlabathi ukuze bebulale inhlanyelo yokhula emasimini ngoba ukhula lubangela ukungakhuli kuhle kwezilimo.
Ingcitshi yezokulima eAgrivet uMnumzana Paul Nyathi uxwayise abalimi ukuthi baphendule umhlabathi wabo imbolisamahlanga ingavele ine ukuze babulale ukhula.
Uthe ukhula lwandise ukumila lapho oluthola khona amanzi iloba emancinyane kungakho umhlabathi ungaphendulwa luyafa.
Ekhuluma lentatheli uMnu Nyathi ucebise abalimi ukuthi kuqakathekile ukuthi baphendule umhlabathi emasimini kusaselesikhathi ngoba lokhu kuyindlela yokubulala ukhula njalo, kuyavikela lokuthi lumile nxa izulu lingana.
“Abalimi kababe lolwazi ukuthi ukhula luyaphangisa ukuhluma lapho oluzwa khona amanzi ngakho ukuze abalimi benqabele ukuhluma kokhula kabaphendule umhlabathi masinyane.
“Ngale indlela ukhula luyatshiswa lilanga lome, kukanti lungaze luthole amanzi loba amancinyane kaluhlumi,” kuchaza uMnu Nyathi.
Uphethe ngokuxwayisa abalimi abakhulu ukuthi baphendule umhlabathi kusase lesikhathi njalo bafafaze lemithi yokulubulala.
“Abalimi abakhulu sibakhuthaza ukuthi labo baphendule umhlabathi wabo kuseselesikhathi njalo bafafaze imithi eyenzelwe ukubulala ukhula, ukuze bangahlutshwa lukhula ngesikhathi sokulima.
“Isikhathi esihle sokuphendula umhlabathi kulapho okubuya khona isikhathi sembolisa mahlanga, lapho umhlabathi oyabe ungathi umanzi khona ngoba lokhu kwenzelwa umlimi ukuthi kube lula ukukhipha ukhula njalo lokuthi luphinde lome,” kuphetha uMnu Nyathi.
Online Reporter