admin
Thokozile Mbedzi
ABABONA ngempilakahle yezifuyo abeVeterinary Services bakhuthaza abalimi kundawana zonke zelizwe ukuba baqaphele umkhuhlane we-Navel-ill ohlasela amathole azalelwa endaweni engcolileyo.
Kubikwa umkhuhlane lo ungena esifuyweni ngenkaba ubususabalala ugcwale umzimba wonke.
Ekhuluma lentatheli kaMthunywa uDokotela wezifuyo uNdabezinhle Mkhwananzi uthe umkhuhlane lo uvame kumathole asanda kuzalwa.
“Umkhuhlane we-navel ill ubangelwa ngamagcikwane abalisela i-E-coli, streptococici, pasteurella spp le corynebacterium pyogenes.
“Inkonyane esihlaselwe ngumkhuhlane lo ibonakala ngokuphela amandla, ukuvuvuka kwenkaba kanye lalapho okuhlangana khona amalunga omzimba.
UDkt Mkhwananzi uxwayise abalimi ukuthi baqaphele umkhuhlane lo ngoba uyingozi kuzifuyo zakhe.
“Umlimi angasebenzisa i-Tetracycline ukwelapha izifuyo zakhe kukanti inkonyane ingagcotshwa njalo i-betadine enkabeni,” kuphetha uDkt Mkhwananzi.
Online Reporter