Sebuyele ejele owaphiwa i-amnesty

The man was sentenced to 15 years’ imprisonment on the first count, and a further six months on the second, bringing the total sentence to 15 years and six months

YiNtatheli kaMthunywa

UMTHETHWANDABA weHarare Magistrates’ Court ugwebe owesilisa, uTafadzwa Nemadziva, iminyaka elitshumi ejele ngemva kokutholakala elecala lokutshontsha imota.

UNemadziva uleminyaka engu-37 yokuzalwa.

Ngokutsho kweNational Prosecuting Authority of Zimbabwe, mhlaka 13 Mbimbitho 2026 uNemadziva, ongumuntu owathola intethelelo yokuphuma ejele lonyaka, wagada imota yohlobo lweNissan Caravan esiya eBudiriro.

Kubikwa ukuthi wazenza ipholisa ukuze akhohlise abantu.

Esefikile eBudiriro, umnikazi wemota wathola umsebenzi wokuthwala abantwana besikolo ebasa egcekeni lendizamtshina.

Kodwa, sefike eRobert Gabriel Mugabe International Airport, umsolwa wathatha amathuba okuthenjwa, wakhohlisa owayephethe izihluthulelo zemota, esithi uyathenga ukudla, wasebaleka lemota.

“Umnikazi wasebenzisa umtshina (i-tracker) ukuthola imota eMazowe Road. Amapholisa eCID Vehicle Theft Squad abopha umsolwa eCentenary Road,” kubika iNational Prosecuting Authority of Zimbabwe.
Imota le kubikwa ibiza i-US$18 000, njalo itholakale isesimweni esihle.

INational Prosecuting Authority of Zimbabwe isixwayise uzulu ukuthi ahlale eqaphele njalo engathembi abantu angabaziyo ngemota.

Iphinde yaxwayisa labo abathole i-amnesty ukuthi ukubuyela kubugebengu akubhadali ngoba bezathola izijeziso ezinzima.