Seziqoqiwe kuChampions League

UMQEQETSHI we-Al Ahly, uPitso Mosimane, uzaphinda abhekane leqembu lakhe lakudala, iMamelodi Sundowns, kuCaf Champions League kulandela ukuqhathwa kwamaqembu, eCairo, e-Egypt ngoLwesibili ntambama.

UMosimane useke waqondana leSundowns kuma-quarter-final alumqhudelwano ngesizini edluleyo ngaphambi kokuphakamisa inkezo lengqungqulu zase-Egypt.

Ngaleso isikhathi i-Al Ahly yanqoba nge 3-1 sekuhlanganiswe izigaba zomibili zomdlalo, yanqoba nge 2-0 ekhaya ngaphambi kokuthi ibambe amaBrazilians nge 1-1 ekuhambeni.

Kulokhu zizahlangana kuGroup A lapho ezizaphinda zingqikilane khona lamaqembu amabili ase-Sudan, i-El Hilal le-Al Merrikh.

AmaZulu, adlala kulumqhudelwano okokuqala, afakwe kuGroup B lapho ezotholana phezulu khona leRaja Casablanca yaseMorocco, iHoroya yaseGuinea le-ES Sétifienne yase-Algeria. Kumqhudelwano weCaf Confederation Cup, i-Orlando Pirates ibekwe kuGroup B leSaoura yase-Algeria, i-Al Ittihad yaseLibya kanye lezanqoba kumdlalo ophakathi kwe-JS Kabylie yase-Algeria leRoyal Leopards yaseSwatini. Imidlalo izaqala ngempelaviki mhlaka 11Nhlolanja.

Amaqoqo eCaf Champions League:

Group A: Al Ahly (Egypt); Mamelodi Sundowns (South Africa); El Hilal (Sudan); Al Merrikh (Sudan)

Group B: Raja Casablanca (Morocco); Horoya (Guinea); ES Sétifienne (Algeria); AmaZulu (South Africa)

Group C: ES Tunis (Tunisia); Étoile Sportive du Sahel (Tunisia); CR Belouizdad (Algeria); Jwaneng Galaxy (Botswana)

Group D: Wydad Casablanca (Morocco); Zamalek (Egypt); Atleico Petroleos (Angola); Sagrada Esperance (Angola)
Amaqoqo eCaf Confederation Cup:

Group A: Pyramids (Egypt); CS Sfaxien (Tunisia); Zanaco (Zambia); Ahly Tripoli (Libya)

Group B: JS Kabylie (Algeria) / Royal Leopards (eSwatini); Orlando Pirates (South Africa); Saoura (Algeria); Al Ittihad (Libya)

Group C: TP Mazembe (DR Congo); Coton Sport (Cameroon); Al Masry (Egypt); AS Otoho (Congo)

Group D: RS Berkane (Morocco); Simba (Tanzania); ASEC Mimosas (Ivory Coast); USGN (Niger)