Sidinga uncedo bantu bakithi. . . Usane ludinga usizo lokuhlinzwa inhliziyo

Nkosilathi Sibanda

ABADALA bathi izandla ziyagezana, baphinde bathi umntwana ongakhaliyo ufela embelekweni.

Kulemuli yakoNdhlela edinga usizo lokuthi usane lwalo, uNduduzo, olulenyanga eziyisithupha luzelwe, luthole ukuyahlinzwa inhliziyo e-India.
Kufuneka imali ephezulu kwe-US$18 000.

UNduduzo udinga usizo odokotela abalubiza ngokuthi yi-transposition of the great arteries, atrial septal defect, double outlet right ventricle) e-India.
Kumele elatshwe ngokuphangisa njalo labo abafuna ukunceda bengaya kuGoFundMe ku:

https://www.gofundme.com/f/join-us-in-saving-nduduzos-young-heart.

Bengaxhumana labazali bomntwana uNkosazana Yvonne loMnumzana Nhlanhla Hlahlani Ndhlela ku:+263 78 318 5092.

Eminye imininingwane ingatholakala kunombolo lezi:+263718862375 (Brave Little Hearts-Zimbabwe).
Abazali bathe: “Sithanda ukubonga bonke abaphatheke empilweni yomntanethu uNduduzo kusukela besesesiswini lomunye wakhe uNjabulo. UNkulunkulu wasigcina kwehlukaniswa izidumbu nzima.

“Kwaphumelela ke ngomusa kaNkulunkulu mhlaziyisithupha kuZibandlela lonyaka esibhedlela seEdenvale South Africa. Kodwa-ke, uNduduzo akasakhulanga kuhle ngoba engasaphelelisanga ikakhulu inhliziyo yakhe yasala ingavalekanga izikhala njalo eminye imithambo yehlukana.

“Sicela usizo bakwethu umntwana ayekwelatshwa kwelaMaNdiya – odokotela bakhe bathi kuhle ahlinzwe engakeqi inyanga eziyisithupha zokuzalwa. Sengathi uThixo angengeza lapho elikhupha khona lisincedisa, lingakwenzeli thina sodwa kodwa lakwabanye abadinga uncedo.”