Online Reporter
LOBA iBafana Bafana izibekisele indawo kumqhudelwano wamazwe owenkezo yomhlaba ngo2026, inhlanganiso yeSouth African Football Association (Safa) ngeke ikubalekele ukusolwa ngephutha elenza ukuthi iqembu lakulelo likhitshelwe imiklomelo emithathu emidlalweni yokukhankasela ukuya kumqhudelwano omkhulu.
Abalandeli bomdlalo bafuna ukuthi iSafa ichaze ngaleliphutha, eliphose lesula ithuba lokuya enkundleni eziphezulu eMelika, Mexico laseCanada lapho okuqhutshwa khona iWorld Cup.
Ukufinyelela kwabafana beMzansi kuncedwe yikunqoba kwabo iRwanda nge 3-0. Bancedwe njalo yikuthi iNigeria ibhaxabule iBenin 4-0.
IBafana Bafana yadlalisa uTeboho Mokoena kumdlalo wayo leLesotho ngoMbimbitho walonyaka loba umdlali lo wayephiwe amakhasi emidlalweni leBenin leZimbabwe.
Ukuzibekisela indawo kweyoMhlaba kweBafana kuyibufakazi bokuthi iqembu lelo selikhule kangakanani ngaphansi kobuholi bomqeqetshi uHugo Broos.
ISouth Africa yadlala ngokulingana leZimbabwe, umdlalo uphela kuyi 0-0. Ukunqoba kwayo iRwanda kucacise ukuthi libunjwe ngamasotsha ayilungiselele kakuhle impi loba itshisa kangakanani.
Umqeqetshi weSouth Africa, uHugo Broos labadlali bakhe batshengisele ukuzimisela okumangalisayo, bagxila kulokhu obekudingeka enkundleni. Ngemva kwalesi siphithiphithi ebesingabaqeda umfutho, benelise ukugqiba ihlazo.
Nxa sekudlulile ukujabulela ukungena kweBafana Bafana kuWorld Cup, iSafa izobe isakweleda isizwe ingcazelo esobala.
