‘Sizayibhuqa iDynamos’

 

Nkosilathi Sibanda

UKUDLALA leDynamos akumethusi umqeqetshi weBulawayo Chiefs uJohn Nyikadzino, obike ukuba uselinde ukunqoba kumdlalo wabo ozabe useBarbourfields ngoLwesine emini.

UNyikadzino ukhulume lokhu phambi kwentatheli, ebika njalo ngesimo seqembu lakhe. Uncome indlela iqembu lakhe eliqalise ngayo isizini.

IBulawayo Chiefs kumdlalo wakuqala yadlala kwaba ngutshiki lobhanqa ka 1-1 leHighlanders. Kumdlalo wesibili, inqobe i-Agama 1-0.

“IDynamos ifana lawo wonke amaqembu esidlala lawo kuligi kodwa siyazi ukuthi liqembu elikhulu. Ngijabulela ukuthi abafana bami baqalise isizini kakuhle,” kutsho uNyikadzino.

Imidlalo yeCastle Lager Premiership ekhona phakathi kweviki:
NgoLwesithathu 18 Mbimbitho:

Highlanders v MWOS (Barbourfields), TelOne v Simba Bhora (Ascot), Hardrock v Chicken Inn (Chahwanda), Triangle v Caps united ( Gibbo), FC Hunters v FC Platinum (Rufaro), Ngezi Platinum v ZPC Kariba (Baobab)
NgoLwesine 19 Mbimbitho:

Bulawayo Chief v Dynamos ((Barbourfields), Manica Diamonds v Scottland (Gibbo), Herentals v Agama (Rufaro)