Online Reporter
Bhekimpilo Tshalibe
KULENDODA yeMpumalanga eHwange eyabulala umuntu yabaleka yazocatsha koBulawayo eCowdray Park, ebotshiweyo, kulandela ukuthola udletshana lwalapho ahlala khona.
ULeanmore Nyoni, oleminyaka engu-24, ubotshwe ngamapholisa ngemva kokuqeda isikhathi edingelwa icala lokubulala eHwange.
UNyoni ubotshelwe elokitshini leCowdray Park eSigodweni, koBulawayo, esevela eZambia lapho ayeke wabaleka wayakhona kusukela ngenyanga kaNcwabakazi nyakenye, ezwe ukuthi umngane wakhe ubotshiwe.
Amapholisa esezwe udletshana lokuthi uNyoni ungaphi ahamba ayafika kuleyondlu, amfica, ahle ambopha.
Kuzwakale ukuthi uthe esebuzwa waveza lokuthi wake wadala amacala obugebengu kumagaraji eHwange lase Lupane ngo 2024, elomngane wakhe uProud Gumbo ovela eCross Jotsholo.
Intatheli ikhulume lobambele isikhulumi samapholisa uAssistant Inspector Nomalanga Msebele, oxwayise uzulu ukuthi ekele ukudala amacala ngoba umthetho uzabafinyelela.
“Sixwayisa abantu ukuthi bekele umkhuba wokudala amacala ngoba umthetho uzababopha. Ngaze ubaleke uqeda ukudala icala, amapholisa besebenzisana lezakhamizi, umthetho uzakufinyelela.
“Sibonga uzulu ngokusipha ulwazi olwenze sabopha umetheswacala,” kuphetha uAsst Insp Msebele.
