admin
Thokozile Mbedzi
ZILOKHU zibabaza izakhamizi zesigabeni seNgoveni eChiredzi ngemva kokuba elinye inina lithe lizama ukutshaya ingwenya ebisihlasele omunye walo yahle yameqela yambamba.
Kubikwa uUnion Zemutsha oleminyaka engu-30 ubegola inhlanzi loGladys okungasatholakalanga isibongo sakhe, oleminyaka engu-65 ngomambule emfuleni uSave lapho uZemutsha abanjwa khona isandla yingwenya.
Kubikwa wazama ukunganyakazi watshela uGladys ukuthi usebanjwe isandla, uGladys waphuma emanzini wayadinga ugodo lokutshaya ingwenya leyo ngokuswelakala kwenhlanhla wathi ezama ukuyitshaya yahle yameqela yacwila laye emanzini.
Isikhulumi samapholisa esabelweni seMasvingo ulnspector Kudakwashe Dewa uthe bamukele udaba lwenina elibanjwe yingwenya eChiredzi.
“Samukele umbiko wamanina eNgoveni eChiredzi ahlaselwe yingwenya elinye liphunyuke lamanxeba esandleni kukanti elinye lihle ledlula emhlabeni.
“Isidumbu sikaGlady satholakala emanzini kodwa singasela ngalo,” kuchasisa uInsp Dewa.
Uphethe ngokuxwayisa uzulu ukuthi angangeni emanzini okwaziwayo ukuba alengwenya phakathi ngoba kuyingozi.
Online Reporter