admin
YiNtatheli kaMthunywa
UMQEQETSHI wesikhatshana weqembu lesizwe i-England, uGareth Southgate, angathathela u-Wayne Rooney ibhanti lobukaputeni, kulandela ukusabalala kwezithombe esebumnandini ebusuku.
Umgadli lo wathathwa izithombe ebonakala ephuzile ngezikhathi zasekuseni kulandela umcimbi wangemva komtshado ngoMgqibelo ebusuku.
I-England yayisanda kutshaya iScotland kumahola angu-24 emdlalweni wokuhlungela iNdebe yoMhlaba.
Umqeqetshi wayeyalele ukaputeni kanye leqembu ukuba baqonde embhedeni, kodwa ngemva kokuhamba, uRooney wabuye wabonakala kulumcimbi wangemva komtshado.
Kubikwa ukuthi loba umdlali lo exolise kuSouthgate, kulezinhlelo ezibikiweyo zokumehlisa ekubeni ngukaputeni weqembu lesizwe.
Isitatimende esikhishwe yinkampani ephethe uRooney sithi: “Ngokuyimvelo, uRooney uyaxolisa ngezithombe ezithathwe labalandeli.
“Loba bekulusuku lokuphumula esikwadini sonke kanye labasebenzi, uyakuvuma ngokugcweleyo ukuthi izithombe azinambithisiseki kumuntu osesikhundleni sakhe.
“Ngaphambilini lamhlanje uWayne ukhulume ngasese labo bobabili uGareth Southgate kanye loDan Ashworth oyi-Football Association Technical Director ukuxolisa ngokungena ngokugcweleyo.”
I-FA kuthiwa isacwayisisa loludaba njengoba kulabanye abadlali okuthiwa labo bebekulindawo yokuzithokozisa.
Online Reporter