admin
Thokozile Mbedzi
ZILOKHU zibabaza zingaqedi izakhamizi zeMalindi eSun-Yet-San kulandela ukuzwa ngelinye inina elithe ngemva kokubeletha lakhama usane qede layamgqibela emfuleni.
UPauline Ncube oleminyaka engu-26 yokuzalwa wenze imbedumehlwana le mhlaka 9 kuyonale inyanga.
Kuzwakale ukuthi uNcube wathi eqeda ukubeletha wakhama usane lakhe andubana ayelugqibela emfuleni uMalindi.
Ekhuluma lentatheli kaMthunywa uNkosazana Bekezela Mafu uveze ukuthi uNcube wabeletha waphinda walungcwaba yedwa futhi usane.
“Isibindi sikaPauline sokubulala aphinde angcwabe siyesabeka ngoba kakho ngitsho loyedwa ongakwenza lokhu engalamoya omfuqayo.
“Kukhanya wathi esebelethile uPauline wahle waluklinya usane waphinda wayalungcwaba yedwa emfuleni. Kodwa ngexa yokuba kuvele okulempondo akufihlwa emgodleni, ugogo wakhe wambona esehamba nzima njalo esopha kakhulu wasebikela izakhamizi.
“Indaba le isisezandleni zezakhamizi yaphinda yadluliselwa emapholiseni ayiyo adingisisa ngendaba le,” kuchaza uNkszn Mafu.
Ungezelele wathi uPauline esebuzisiswa ngamapholisa wachaza ukuthi wabeletha kuhle kodwa wasebulala usane.
“UPauline wahamba wayatshengisa amapholisa lapho angcwaba khona umntanakhe ekhunjini lomfula,” kulandisa uNkszn Mafu.
Isikhulumi samapholisa esabelweni seMatabeleland South ulnspector Philisani Ndebele ebuzwa ngodaba lolu uthe.
Online Reporter