Online Reporter
YiNtatheli kaMthunywa
KULANDELA ukusabalala kwembiko yokufa kukaKhomishina weZimbabwe Human Rights Commissioner, uDokotela Martin Muduva ofe ngemva kokuhlahlelwa ngehloka ngumkakhe obuye wazibulala ngokunatha itshefu, kuzwakale udletshana lokuthi lokhu kungabe kubangelwe yikuthi ubesethethe umfazi wesibili.
UDkt Muduva (42) obefundisa eMidlands State University ubhubhele esibhedlela seParirenyatwa Group of Hospitals ngoLwesithathu ngemva kokuhlaselwa ngumkakhe, uLyliosa Chirara (43).
Loba amapholisa esachwayisisa ngodaba lolu, kucatshangelwa ukuba ingxabano phakathi kukaMuduva lomkakhe ecine ibangela ukufa kwabo ingabe ibangelwe yikuthi ubesethethe omunye umfazi.
Kuzwakale ukuthi uKhomishina Muduva uhlahlelwe kabili ngehloka eDzivarasekwa Extension ngoLwesibili ebusuku ngaphambi kokuba unkosikazi wakhe anathe itshefu ngemva kokuxabana kwezimuli.
Kuzwakale imbiko njalo yokuba uMuduva ubengazange ake ayevelela umkakhe kukanti ngoMgqibelo uhambe wayavelela elinye inina okuyikho okubangele ukuxabana.
Ngesikhathi umbiko lo ukhitshwa, abalandeli beFacebook bahle bafaka imbono yabo. Nansi eminye imibono yabalandeli:
ProficientSunflower5609: Ihambile inja, she died a hero 😭😂 l doubt that second wife will look at a married man again
Mad women of Gaddafi: Skweya
Simbarashe Muzavazi: They were celebrating the Roora this past weekend haaa maone
Angela Bakasa: Sometimes it’s better to accept rejection then yu move on than to kill it’s not good to kill one another bcz there’s still life after divorce,I feel sory for the kidz
Patience Tsikada: UMjolo uyanyisa
