Online Reporter
Brandon Moyo
UTSHAYE ama-runs edlula ikhulu uBrian Chari ngesikhathi iqembu leMakhosi Cricket Club 1 linqoba iMethane Lions, kuNational Premier League, eMasvingo Sports Club ngoMgqibelo.
Ube le 117 runs, wancedisa iqembu leli, angukaputeni kulo ukuthi liye kunombolo yesithathu kulogu. Lisalele ngemiklomelo emine ngemva kweSOGO Rangers, ekhokhelayo.
Ngokugcweleyo, Amakhosi athole 282/7 runs ku-45 overs. Akhiphe i-245 runs nge-39.5 overs. Bekungumdlalo wesikhombisa enqoba Amakhosi.
UChari ujikelwe amabhola angu-105. Abanye abenze ngcono nguPascal Muringi (47 runs) lo-Adrian Mupembe (29 emgaphumanga). UTakudzwa Hove loJimmy Nyangoni abeMethane Lions bathole ama-wickets amabili ngamunye.
KuMakhosi, uTawanda Maposa uthole ama-wicket amane (41 runs) kuma-overs ayisikhombisa. Omunye odlale okuncomekayo nguTalent Dzikiti okhiphe abadlali abathathu (30 runs, 7.5 overs). UChari loTendai Muzonde bathole i-wicket elilodwa ngamunye.
Kusenjalo, iQueens Sports Club inqobe okwesithupha kulisizini, nge-84 runs phezulu kweChiredzi Cricket Club ngeSonto.
IQueens ibe le-266 runs (43 overs), iChiredzi (182 runs, 40.3 overs). Owake wadla ubhedu uChris Mpofu uthole ama-wicket amane (20 runs, 8 overs).
UBechani loSithole bathole amabili. USheunopa Musekwa loChimusoro ngabanye abathole ama-wicket.
