admin
Listen Ndlovu
KULENDODA yakoBulawayo evalelwe ejele isetheswa icala lokuzenza umtshutshisi lokuqila elinye inina imali engangeUS$300 isithi izakhipha umkalo esitokisini.
Umsolwa uBrian Pfumayi kubikwa mhlaka 11 Mfumfu wahlangana lenina elaliphuma emthethwandaba livela lalela ukuthoniswa kwecala lomkalo walitshela ukuthi ungumtshitshisi ophethe lindaba kungakho nxa efuna umkakhe aphume entolongweni kumele amnike iUS$300.
Umtshutshisi kulelicala uAshley Dube ubikele inkundla ukuthi umsolwa wanikwa imali le ngubabakazi kamamangala, kodwa kusukela mhlaka 11 Mfumfu uPfumayi wayelokhu emnika izithembiso zamanga zokuba uzamkhipha kodwa kwaze kwafika umhlaka 30 Mfumfu lapho umamangala acina esiya kumkhulu wabatshutshisi wambikela ngodaba lolu okwenza kwabonakala ukuba uqiliwe.
Ngemva kokulalela icala leli umantshi uNomsa Ncube uthe uPfumayi aphenduke njalo emthethwandaba kuzoqhubeka kuthoniswa indaba le mhlaka 4 Lwezi evela esitokisini.
Online Reporter