admin
Thokozile Mbedzi
KULENDODA eleminyaka engu-46 yesigabeni seChegwita eChiredzi efe ngemva kokuhlaselwa yindlovu ivela esontweni.
U-lsaiahTarusarira kubikwa ubevela enkonzweni lomkakhe uEsther Tarunyanyiwa lomtwanabo ongumfana mhlaka 18 kuyonale inyanga baze bahlangane lendlovu le.
Ekhuluma lentatheli kaMthunywa uMnumzana Philip Moyo uthe lokhu belesithuli ngendlela uTarusarira abhubhe ngayo ehamba lemuli yakhe bevela enkonzweni.
“UTarusarira ugxotshwe yindlovu bevela esontweni lomkakhe kunye lomntanakhe.
“Kukhanya abathathu laba bahlangana lendlovu enduna behamba ngenqoba yabahlasela okwabangela ukuthi babaleke betshiya inqola besesabela impilo zabo,” kutsho uMnu Moyo.
Uthe buthathu babo babaleka beqonda endaweni ezehlukeneyo kodwa isidumbu sikaTarusarira sabonakala ngemva kwamakhilomitha amabili usuka lapho abatshiya khona inqola.
Kubikwa indlovu leyo yatshiya yembese isidumbu ngamahlamvu ezihlahla.
Isikhulumi samapholisa eMasvingo ulnspector Kudakwashe Dewa ebuzwa ngodaba lolu uthe solufikile ehofisini yabo.
“Udaba lwendoda ebulawe yindlovu solufikile ehofisini yethu,” kuphetha ulnsp Dewa.
Online Reporter