Online Reporter
UTSHAYWE ngumphakathi waze wafa owesilisa osolwa ngokutshaya, abulale intombi yakhe kusehlakalo esenzakale eMpangeni, eSouth Africa ngeviki ephelileyo.
Kubikwa ukuthi lo owesilisa uMnu Xolani Ntuli, utshaywe ngumphakathi qede wahudula isidumbu sakhe wasitshiya eceleni kwesentombi yakhe, uNkosazana Nosipho Biyela (25), asolwa ngokuyitshaya, ayibulale.
Kulezinsolo zokuthi uNtuli uqale ngokumdlwengula umufi. Ngokuthola kwentatheli, laba bobabili bebesebudlelwaneni bezothando.
Kuthiwa ingxabano phakathi kwabo iqubuke sebehamba ndawonye, okuyilapho okuthiwa uNtuli ube esetshaya umufi wamtshiya ezitshela ukuthi usefile, kanti uzokwazi ukutshela abadlulayo ukuthi utshaywe lisoka lakhe.
Umthombo okuleya ndawo, uthi laba bobabili kabadabuki kulindawo.
“UNtuli udabuka eMtubatuba, kukanti lo owesifazane yena ngoweNcekwane, kodwa bebehlala emkhukhwini bobabili. Akucaci ukuthi yini ebaxabanisileyo. Uma sizwa, bebehleli ndawonye endaweni yokucima ukoma, kukuhle, kungekho nkinga. Baqale ukuxabana sebehamba endleleni.
“Umufi ubetshaywe nzima ngoba umzimba wakhe ubulimele kakhulu. Ngemva kwesikhatshana, utshonile. Umphakathi ube usuhlangana, wanikela emjondolo kaNtuli, bamfica elele engacabangeli lutho, wamthelekela ngenduku.
“Umtshaye waze watshona qede isidumbu sakhe wayosilahla eduzane lesentombi yakhe,” kutsho umthombo.
Uqhuba umthombo, uthi isidumbu sikaNtuli besibotshwe izandla lenyawo ngesikhathi silahlwa eduzane kwesikaNkszn Biyela. Okhulumela amapholisa KwaZulu-Natal, uLt-Col Paul Magwaza, usiqinisekisile lesi sehlakalo, wathi amapholisa eMpangeni avule amacala amabili okubulala, kulandela isehlakalo esenzakale ngoLwesihlanu.
Uthi ngokombiko abawutholileyo, lezi zithandani bezihleli ndawonye e-tavern, kwaqubuka ingxabano. Uthi umsolwa ufike esehamba yedwa endlini, okuthe nxa ebuzwa ukuthi isinqandamathe sakhe singaphi, wathi usitshiye endleleni.
Uthe umphakathi ube ususithola isidumbu sesinqandamathe sikaNtuli, wabe usumlanda, wamtshaya waze wafa. —Ilanga
