Online Reporter
Sikhumbuzo Moyo
USOMABHIZIMUSI uWicknell Chivayo usenikeze iHighlanders isipho sebhasi kunye le-US$300 000, ngenhloso yokuncedisa leliqembu eselilomqeqetshi omutsha uBenjani Mwariwari.
UChivayo ubike lokhu kukhasi akhe ebulenjini ngeSonto, lapho aphinde watshayela ihlombe iqembu ngokuvumelana loMwaruwari.
“Izolo ngijabuliswe yikuzwa ukuthi iHighlanders FC licine livumelana lomunye oyingcitshi yenguqu eZimbabwe uBenjani Mwariwari njengomqeqetshi walo,” kutsho uChivayo.
“Ubungcitshi lokukhalipha kukamfowethu uBenji kuzikhulumela kodwa, ikanti okubaluleke kakhulu yikuthi ulwazi lwakhe lwezemidlalo lukuzinga eliphezulu.”
Uthe isipho lesi sigcwalisisa isithembiso asenza kumalume wakhe uJohn Landa Nkomo owayengumsekeli kaMongameli welizwe.
“Ngilokujabula ngokunikeza iqembu iUS$300 000, ezaqhubezwa ngobambe isikhwama uJabulani Nkomo.”
UChivayo uthe imali le yi-signing on fees leholo likamqeqetshi kunye lokuqedisa imali zabadlali eziseleyo lokuthenga abadlali.
“Umqeqetshi omutsha kazikhethele imota ayifunayo, ngizayithenga kuviki elizayo.”
Uthe ibhasi azayithenga ithwala abantu abangu-75 njalo ibiza i-US$285 000. Ibhasi leli kubikwa lilesambuzi phakathi, izitulo zesikhumba, WiFi lomabonakude.
“Ngithemba ngenhliziyo yami yonke ukuthi ngalesi isipho esincane, kuzavusa umdladla kubaphathi, abaqeqetshi labadlali.”
