admin
Ethel Ncube
IBONGA amadlozi akwabo enye indoda yeChipale eBinga ngemva kokukhandwa esixukwini incinda uluju lwemvelo lomfazi womnikazi yenelisa ukubaleka.
Indoda le, uBenson Dube itholakale egangeni loNkosazana Meliwe Nleya ngempelaviki besemacansini wadla bayibayi ebhunyumunyu.
Ekhuluma loMthunywa uMnumzana Zwelibanzi Mudimba uveze ukuba balesimanga ngesenzo sikaDube.
“UmkaNkszn Nleya wathi esiyagamula inkuni wezwa abantu bekhuluma esixukwini wasondela wabona inyawo zomkakhe zikhanya wezwa esiba lolaka wasondela esethetha uDube wahle waphuma phakathi kwesixuku wacela ezinyaweni egqoke isudu yokuzalwa.
“Wasala elomkakhe wathi kagqoke bahambe ngekhaya lapho afika wamtshaya ngemvubu efuna ukwazi iqiniso eligcweleyo.
“UmkaNleya wathi eseqedelane lomkakhe wadobha ihloka lakhe, waqonda kuDube ethi ufuna ukuthi baqedelane kodwa wamthola engekho,” kutsho uMnu Mudimba.
Intatheli ibuye yaxhumana lesinye isihlobo sikaMnu Dube esingathandanga ukuqanjwa ngebizo esivumileyo ukuthi kuliqiniso ukuba wakhandwa lomfazi womnikazi.
“Wathi okwamenza wathandana lomama lowo yikuthi wathi kasembathi lomkakhe ngoba umlilo awusekho. Okokuthi wabuya egijima enqunu angimbonanga ngawami, lami ngizwa ngabantu kodwa ukukhonjwa ukhonjiwe,” kubika omunye wezihlobo.
Ekhuluma lentatheli uMnumzana Samson Shumba onguye owabamba umkakhe esesixukwini uchaze ukuba lindaba ilihlazo.
“Angingeke ngikhulume okunengi ngokomuzi wami, indoda eyabaleka yatshiya impahla zayo ngicela ingilande izoxolisa masinyane ithathe locingo lwayo,” kuchaza uMnu Shumba.
Imizamo yokuxhumana loNkszn Nleya yehlule.
Online Reporter