admin
YiNtatheli kaMthunywa
KULOMFUNDI onguFomu 6 owenze isimanga ngokuphumelela kumncintiswano we-Tourism Innovation Challenge osungulwe yiZimbabwe Tourism Authority (ZTA).
Umfundi lo, uTakunda Murungweni uleminyaka engu-19 yokuzalwa njalo uthanda ezamabhizimusi.
Okwamanje ungumfundi eWatershed College, eMarondera. Ungumfundi we-STAR Leadership Academy ekhona umhlaba wonke jikelele, lapho abasakhulayo abafundiswa khona ngezobukhokheli lamabhizimusi.
Iphurojekithi le ibizwa ngokuthi yiTrafiki Africa.
ITrafiki Africa izakwenza kubelula kwabayisebenzisayo njengoba iWhatsApp iyindawo yokuxhumana engabizi imali futhi isetshenziswa kakhulu.
Abafuna indawo zokuhlala bazaxhunyaniswa labanikazi bemizi, indawo zokulala, amawotela lezinye indlela zokuhlala.
Ukuza komkhuhlane weCovid-19 kukhuthaze ukuthi aqhamuke lombono wokwenza kube lula ukuthi abavakatshi bathole usizo ngezindawo zokuhlala ezisezingeni eliphakemeyo kodwa ezingabizi imali enengi.
Ngokutsho kwalumfundi, iphurojekithi yakhe izakuba luncedo kumabhizimusi ngoba izavumela abayisebenzisayo ukuthi babhukhe futhi bathole indawo yabo yokuhlala lokunye abakufunayo nge-WhatsApp chat bot.
Kusenjalo umkhankaso wokukhuthaza izizalwane zakuleli ukuthi zithakazelele ukuvakatsha elizweni, i#ZimBho #Vakatsha #ZimYami luyaqhubeka, kutsho isikhulumi senhlanganiso uMnumzana Godfrey yeJeffrey”Chief” Koti.
Njengokuphawulwe luhlelo lukaHulumende olweNational Tourism Recovery and Growth Strategy imncintiswano enjenga leyi iyaphathisa ukuthi ilizwe liphakame kwezokuvakatshelana.
Ukuvakatsha kuphethe isilinganiso esingaba yi-40 phesenti kumkhonomi welizwe, ngokutsho kwe-ZTA.
Kodwa ngenxa yeCovid-19, kwehlule ngomnyaka ka2020 ukuthi ilizwe lithole imali. Kukhangelelwe ukuthi njengoba umkhonomi usuvuleka, kuphethe lonyaka kulenguquko.
#TourismInnovationChallenge
#WTD2021
#VisitZimbabwe
#ZimBho
Online Reporter