admin
Wayne Ncube
AMAPHOLISA eMatabeleland South aphakathi kokuphenya ngesehlakalo lapho okubikwa ukuthi kulendoda egwazwe izihlalo yatshaywa yaze yafa ngabangane bayo abahlanu kulandela ukungazwisisani ngesikhathi kubhejwa eGumbalo Business Centre eseSolaniindawo eseFilabusi.
Kubikwa kube lokungezwani phakathi kukaNqobani Moyo oleminyaka engu-23 odabuka esiqintini se-Vukuzenzele ngaphansi kwenduna uMaduna labanye akade ebheja labo kubangelwe ukuthi agwazwe ngesikhali esibukhali andubana agongodwe ngamatshe wasala esengobangwa lezibi. Isikhulumi samapholisa eMatabeleland South uChief Inspector Philisani Ndebele ukuvumile ukuba baphenya icala lwaloluhlobo.
“UMoyo ubebheja labangane bakhe abahlanu eGumbalo Business Centre mhlaka 24 Nhlolanja ngehola lika 2 ekuseni kodwa kukhanya kusuke kwaba lengxabano phakathi kukaMoyo lomunye akade ebheja laye okubangele ukuba agwazwe ngesikhali esicijileyo abanye bemtshaya ngamatshe andubana asweleke emhlabeni,” kulandisa uNdebele.
UChief Inspector Ndebele uthe abasolwa babalekile lapho okwenzelwe khona icala leli njalo akula osebotshiwe.
“Amapholisa aqhuba uphenyo khathesi sikhuluma, njalo ngicela uzulu ongabe elolwazi ngalelicala abikele amapholisa aseduzane laye,” kukhuluma uNdebele.
Ukhuthaze umalunga womphakathi ukuba kabadlalele khatshana lobudlwangudlwangu obuphetha ngokungaziphathi kuhle.
Online Reporter