Ugwazwa ngumngane esontweni afe

ILOKHE ithithibele enye imuli esePhilip East eCape Town eThabo Mbeki kulandela ukuthi ijaha elililunga lalumdeni ligwazwe ngumngane walo lafa.

Kubikwa uBongani wayemenywe ukuyanatha utshwala esigabeni abakhelane laso okuyikho lapho abafika baxabana labanye.

Ngemva kwalokho uBongani wagijima eqonda ebandleni leSt John Apostolic edinga ukulanyulelwa ngumfundisi uSakhiwe Maseti.

UMaseti uchaze ukuthi uBongani wathutsha ngesiqubu esiza ebandleni lakhe isitha esasimhlasela simhlezi ezithende siphethe isando lengqamu.

“Ngezwa umuntu ehlaba umkhosi egijima eqonda ebandleni lami,” kutsho umfundisi

“Mhlawumbe wayesezizwa ukuthi sesifa yikho wafuna ukuzofela endlini yeNkosi duze loMdali wakhe.

“UBongani waqala ukuwela egumeni lebandla ngemva kokuhlaselwa. Wavuka lapho wagijima eqonda phakathi kwendlu yokukhonzela.

“Ngingakakhulumi lesitha sakhe samtshaya ngesando samgwaza wahle wafa khonapho.

Omunye olilunga lomdeni uNtombifikile Magiyose ukholwa ukuthi umetheswacala lo wayekuhlelile ukubulala uBongani yikho wamema ukuthi bezonatha utshwala.

Esinye isihlobo sakhe, uNolmaindiya Mfengu uthe uBongani wayeyindoda ekhutheleyo njalo esanda kuvula iShisa nyama.

Isikhulumi samapholisa uCaptain Fredric Van Wyk uthe umufi wabulawa yintombi yakhe ngemva kokuxabana.

Umetheswacala ukhangelwe ukuthi ame phambili komthethwandaba weAthlone. — Ubulembu.