admin
Ethel Ncube
NGENXA yokungafuni ukwaliwa kulendoda yeNtalale, eGwanda ebhaxabule inina ebiphilisana lalo ngenduku ngoba limalile.
Kubikwa uThemba Ncube ubhaxabule uNkosazana Senziwe Moyo kumaviki amabili edluleyo kubangwa ukuba wala ukuthi bancinde uluju lwemvelo.
Iphephandaba likazulu lixhumane lesakhamuzi sakule indawo uMnumzana Bokang Sibanda oveze ukuba bezwa umuntu ehlaba umkhosi emadabakakusa.
“Sezwa umkhosi phakathi kwamabili savuka sayakhangela ukuba kuyini osokwehlele umama lo ngoba simazi ehlala yedwa ubaba lo ubuya ngemva kwesikhathi kabahlali bonke.
“Ngesikhathi sifika uNcube wayesephumile wabaleka wangazakali ukuba uqonde ngaphi. Sathi sibuzisisa ukuthi bebebangani wathi ubemtshaya ngenduku ngoba engafuni ukuhlangana laye ngoba sebehlukana,” kutsho uMnu Sibanda.
UMthunywa uxhumane lenina elatshaywayo uNkszn Moyo ovumileyo ukuba indaba le yenzakala.
“Abantu bayakhuluma abakufunayo mina ubaba lo sasiphilisana kudala kodwa sehlukana wabuya ebusuku lapha wafika wangena engutsheni zami efuna sihlangane ngala kanti uvele ubuye ethwele induku wangibhaxabula ngayo.
“Ngaze ngalanyulelwa ngomakhelwane yena wahle wacela ezinyaweni lakhathesi kabonakali locingo lwakhe alungeni walutshiya lapha esebaleka lucitshiwe,” kubika uNkszn Moyo.
Imizamo yokuxhumana loNcube yehlule ngoba engelamakhalekhukhwini.
Online Reporter