Ugwetshwe iminyaka emibili owancitsha abantwana ukudla

The soldier was jailed four years for the offence

Richmore Gushu has been sentenced to eight years in prison by the High Court in Harare after being convicted of culpable homicide over the death of his cousin following a dispute over the sale of gold

YiNtatheli kaMthunywa

KULENDODA eleminyaka engu-34 yeMbijeni Village eSiganda, eNyathi esigabeni seBubi egwetshelwe ukuyapika iminyaka emibili ejele ngemva kokutholakala ilecala lokuhlukuluza abantwabayo ababili oleminyaka emithathu loleminyaka emihlanu ngokubancitsha ukudla.

Umantshi wakoBulawayo uNkosazana Bevelery Madzikatire uthole umsolwa elecala lokwephula amalungelo abantwana ngokubahlukuza ngesikhathi etshiywe labo ngunkosikazi wakhe.

Kuzwakale ukuthi kusukela mhlaka 25 Mfumfu kusiya ku 4 Mpalakazi ngomnyaka ka2023 unina wabantwana wayesekilinika yeSiganda lapho ayelindele khona ukubeletha.

Umantshi esethula isigwebo uchothoze isenzo sikamsolwa esithi wayelomlandu wokuvikela abantwana kulokuthi abahlukuluze.

“Umthetho awuvumeli labo abahlukuluza abantwana. Umthetho welizwe uthi owenza lokhu kumele abhadle ejele.

Kwakumele uvikele abantwana hatshi ukubahlukuluza,” kutsho umantshi.

Umtshutshisi uMnumzana Sehliselo Khumalo utshele inkundla ukuba umsolwa wayetshaya abantwana laba ngesigodo, wathela omunye ngamanzi elihlweni, omunye wamtshisa ngesitshwala esandleni wabuye wabancitsha lokudla.

“Bonke abantwana balamanxeba emzimbeni, njalo omunye utshile isandla.

UMnu Khumalo uthe umsolwa wahlukuluza abantwana emoyeni lasemzimbeni.

“Umsolwa wayetshaya abantwana bebancane. Kwakumele abafundise njalo ebatshengise uthando.”
Uphinde wagcizelela ukuthi abantwana abancane labo balamalungelo abavikelayo.