admin
Ethel Ncube
KULOBABA wakuVillage 19 eZhombe osele ethoba amanxeba ngemva kokuhlahlelwa ngehloka esiphundu ngumntanakhe emsolwa ngokulamula.
Isiga lesi senzakale ngeviki ephelileyo lapho uMnumzana Gift Machingauta ahlahlelwe ngumntanakhe, uTinashe Machingauta isiphundu kubangwa ukuba kungani emlamule besilwa.
Kubikwa uTinashe wayesilwa lomunye umngane wakhe ngapha besidla amabele uyise wafika wabalamula, wasephenduka wadobha ihloka wagamula uyise esiphundu.
UMnu Machingauta wathwalelwa esibhedlela lapho alaliswe khona kukanti umetheswacala kubikwa wahle wadliwa ngumswenya.
Iphephandaba likazulu lixhumane lesikhulumi samapholisa eMidlands uInspector Emmanuel Mahoko oveze ukuba udaba olunjalo balwamukele.
“Udaba olunjalo lufikile endlebeni zethu. Ngikhuthaza uzulu ukuba nxa elengxabano kumele alungisise kuhle hatshi ukulwa. Sicela ololwazi ngometheswacala uTinashe ukuthi asazise kumbe azise amapholisa eseduzane laye,” kuphetha uInsp Mahoko.
Online Reporter