adminSengithole isicelo sivela kubafundi abambalwa ukuthi ngiphinde isichasiso. Angimangali ngoba vele isichasiso siyabahlupha abafundi abanengi ukuthi basizwisise.
Ngamafitshane isichasiso ligama elichaza usobizo (ibizo lesabizwana) emutshweni njalo liwulandela lowo mutsho.
Silemihlobo elandelayo yesichasiso: 1. Isiphawulo 2. Isibaluli 3. Inani 4. Kunye lobumnini.
Abafundi kumele bakunanzelele ukuthi izichasiso lezi kazihlali zilandela usobizo ochazwayo emutshweni kokuphela.
Abaqaphele abafundi ukuthi bengathola isichasiso sizimele sodwa emutshweni, njalo kwesinye isikhathi singandulela ibizo.
Ukwandulela kutsho ukubuya kuqala kwesichasiso emutshweni anduba silandele ibizo. Nxa isichasiso sesisebenze kanje emutshweni kasiseyiso isichasiso.
Yikho-ke okumele abafundi bakuzwisise lokhu nxa bezazwisisa isichasiso.
Ake sihlolisiseni imitsho elandelayo:
1. Abafana abakhulu bayafunda.
2. Abakhulu abafana bayafunda.
3. Utshaye umntwana omncane.
4. Omncane utshayiwe.
Kumutsho wokuqala /abakhulu/ yisiphawulo. Yisichasiso esichaza ibizo abafana.
Kumutsho wesibili /abakhulu/ wandulele ibizo abafana. Ngaleyondlela akuseyiso isichasiso esiyisiphawulo kodwa seliyisabizwana sokuchasisa.
Kumutsho wesithathu /omncane/ yisiphawulo esichaza ibizo umntwana.
Kumutsho wesine /omncane/ yisabizwana sokuchasisa ngoba sizimele sodwa emutshweni kungela sobizo ochzwayo.
Funda kulelikhasi kumaviki azayo uzwisise ngesichasiso.
Online Reporter