adminUkwakha izibanjalo ngesabizwana senani
ZIMBILI indlela zokwakha isibanjalo kusetshenziswa isabizwana senani
1. Isibanjalo esakhiwe ngesabizwana soqobo singasetshenziswa lesabizwana senani.
Izibonelo:
Ukuvuma Ukulandula
Yimi ngedwa akusimi ngedwa
Yithi sodwa akusithi sodwa
Nguwe wedwa akusuwe wedwa
Yini lodwa akusini lodwa
Yizo zonke akusizo zonke
Yibo bobabili akusibo bobabili
2. Singasebenzisa isabizwana senani lesivumelwano senhloko:
Izibonelo:
Ukuvuma Ukulandula
Ngingedwa angingedwa
Babodwa ababodwa
Sisobabili asisobabili
Ukwakhiwa kwezibanjalo ezichasisweni
Eziphawulweni
Izibonelo:
Isiphawulo Isibanjalo
Ukuvuma Ukulandula
Omuhle muhle kamuhle
Ababi babi kabababi
Ezinde zinde kazizinde
Okudala kudala kakukudala
Nanku esikuqaphela lapha:
1. Isibanjalo esivumayo sisakha ngokususa unkamisa wokuqala wesivumelwano sesiphawulo.
Isibonelo: ababi > babi. Sisuse unkamisa a- wesivumelwano sesiphawulo – aba.
2. Isakhi sokulandula ngu ka-. Bakhona abasebenzisa isakhi a- ekulanduleni kanje:
Ukuvuma Ukulandula
Muhle akamuhle
Babi abababi
Zinde azizinde
Ukwakhiwa kwezibanjalo ezibalulini
Izibonelo:
Isibaluli Isibanjalo
Ukuvuma Ukulandula
Omnyama umnyama akamnyama
Ababomvu babomvu ababomvu
Oqatha uqatha akaqatha
Nanku esikunanzelelayo:
1. Nxa sisakha isibanjalo esivumayo ngesibaluli sisusa isivumelwano sesibaluli endaweni yaso sifake isivumelwanao senhloko.
2. Kwezokulandula siqalisa ngo-a kwezokuvuma. Lalapha bakhona njalo abasebenzisa u-ka- njengokuthi kababomvu, kaqatha, kamnyama.
Online Reporter