admin
Nkosilathi Sibanda
IQEMBU leHighlanders lizamkhumbula uDan Ngwenya umqeqetshi wabafana abasakhulayo osecabange ukutshiya umsebenzi.
Umqeqetshi lo odume ngelithi “Jahman” kwabamaziyo kumdlalo kanobhutshuzwayo, ufulathele iBosso kuviki ephelileyo ebetha isizatho sokuthi akaphathwangwa kabuhlungu eqenjini.
Ebuzwa ngalokhu uNgwenya uthe: “Ngingu baba obesesehluleka ukuthi agcine imuli yakhe.”
Longumqeqetshi owabumba ithalenta labadlali bonke ababatshazwa lamhlanje abakuHighlanders.
Omunye wabadlali abaphume ezandleni zikaNgwenya utshele uMthunywa ukuthi akulamqeqetshi obesazi ukukhulisa abadlali njenga lo.
“Aah, manje nxa sekuhambe u-coach wethu (esitsho uNgwenya), ngubani ozakhulisa abafana, abafundise impilo yebhola?”
IHighlanders isele imangele ukuthi sekwehle iyezi bani egumeni layo isibalekelwa ngabaqeqetshi abazingcitshi. Kwaqala ngoSizabantu Khoza loGift Lunga Jnr, obesenza loNgwenya besuka kwezikamagebhula besiya kumaqembu adlala ezikwakweni.
Iwofisi yezokwethulwa kwembiko kuHighlanders ibike ukuba uNgwenya uthumele incwadi ngokutshiya ukuqeqetsha.
“Iqembu lifisela umqeqetshi uDan Ngwe ya uNhlanhla la ayakhona. Siyambonga ngokulolonga inengi labadlali bethu” kutsho uRonald Moyo, isikhulumi seBosso.
Online Reporter