admin
YiNtatheli kaMthunywa
UWILLARD Katsande usezethese ijogwe lokulandela inkakha zeKaizer Chiefs ngokugqoka ijesi elaligqokwa nguTinashe Nengomashe ngesizini ezayo ye-Absa Premiership.
UKatsande, obizwa ngelithi “Salt and Vinegar” ugqoka unombolo 31 emidlalweni yePremiership, kodwa uthathe unombolo 8 emidlalweni yeCaf Champions League.
Ngokwemithetho yemincintiswano le iqembu kumele lisebenzise inombolo ezisuka ku-1 zicine ku-30.
UKatsande uvule isifuba ngokwenze wathatha inombolo 8 ngesikhathi elumana indlebe lentatheli .
“Ijesi lenombolo 8 laligqokwa ngumdlali engimthandayo futhi engikhule ngibukela kuye uTinashe Nengomasha.
KuChiefs asikho isicoco angazange asiwine egqoke leli jesi lapha eNingizimu Africa. Lami ngibona sekuyisikhathi sokuthi nginyuse amasokisi ukuze ngimenze aziqhenye ngami.
“Phela waba lesandla ngokuza kwami kuChiefs. Ngesikhathi ngisadlala ku-Ajax Cape Town isikhulu seChiefs uBobby Motaung wafika lo-Ace Khuse bezongibuka ngidlalela iqembu lesizwe langakithi eZimbabwe.
“Bafika babuza loNengomasha mayelana ngami. Wakhuluma kahle ngami futhi iChiefs yacina ingithengile ekupheleni kwesizini. Ngesizini ezayo ngizagqoka unombolo 8 lasemidlalweni yeligi,” kutsho uKatsande.
UNengomasha laye udabuka eZimbabwe njengoKatsande.
KuChiefs, uNengomasha wadlala iminyaka elitshumi. Wathola izicoco eziyisitshiyagalolunye, ezimbili zeMTN 8, ezine zeTelkom Knockout, ezimbili zeCastle Premiership leseNedbank Cup. Ngo-2004 waqokwa njengePlayer of the Season lePlayer’s Player of Season.
Online Reporter