Online Reporter
Ugwalo: Ukuthunjwa kukaSukuzukuduma. Umlobi: Geshom M. P. Khiyaza
Isahluko 1
Sihlangana lendoda yebuThembula ixoxisana lomkayo. USinyoro ukhathazekile ngenotho yakhe ukuba nxa esifa izachitheka ngoba izisebenzi ezithembakeleyo ziyivela kanci. Ezinengi bathi nxa sezijayele zicina sezintshontsha.
Bayavumelana ke lomkakhe kulinkulumo okuvela ukuba abantu abasebenzayo babi. Umnumzana wayenothile lo kodwa engafuni kufe kumbe kucatshe isifuyo ngenxa yokungathembi izisebenzi ayethi zingamatshapha kanti hatshi.
Lazo izisebenzi zasezimazi ngokuba lukhuni lokungaziholisi iholo ngesikhathi. Abanye babeze batshiye bengaholanga. Inkomo, imibuzi kanye lezimvu kwakutshatshama.
Abantwana lindoda yayilabane, belobolene abafana lamankazana. Yayike yabalesithembu kwehlula omdala engelanzalo. USinyoro waxoxisana lomkakhe ngecebo ayeseze lalo elalizamsiza ekugcineni inotho yabantwabakhe esefile. Icebo lalingelokuthi adinge umfanyana ongakazi lutho, endaweni ekhatshana azemsebenzela
kungelambadalo, isigqili. Wakhetha amadoda alezibindi amabili ayezakuya kwelamaSakade ayethumba lolosane olungumfana olwaluzakhula lungazi lapho olwavela khona. Wayeyabe esengowabo. Lokhu wakubona kulicebo elihle ngoba lawo amaSakade ayeke athumba la amadoda, oPayiva loZimba ayeseze esazi lesiSakade lesi. Yibo uSinyoro akhetha ukubathuma bamhambele.
Wazibiza- ke izisebenzi zonke kodwa akaze ayithi vu leyi eyokuyathumba. Wakhetha ukuba azise labo ayezabathuma kuphela. Wathi ebacela wenza isithembiso sokubabonga ngenkomo ezilitshumi umuntu emunye, imbuzi ezinhlanu
kanye lezimvu ezinhlanu. Baphiwa umphako bahamba bobabili uPayiva loZimba. UPayiva wayenhliziyo mbili ikanti uZimba wayezimisele. Kwehlula sebephambili uPayiva waphendukela ekhaya ngobugwala. UZimba waqhubeka.
Kwakuhanjwa kakhulu. Ebusuku umuntu azibophele ngebhanti egatsheni kucezwa izilo zeganga, osilwane lokunye.
Wahamba uZimba waze wafika kwelamaSakade emzini oduze lezintaba owawulotshwala. Wabona okungabantwana aphosa wakugola kodwa kwabalekela ekhaya. Ekucebeni kwabo waphosa wabanjwa uZimba wasizwa yinyoka eyakhonkothwa yizinja, bacabangela ukuba yiyo eyayikhonkothwa yizinja. Wabona okunye okungumntwana okungumfana kuhamba kodwa kuhlabelela, kudobha impoko. Wakukhulumisa ekulinga ngamahlamvu kwala.
Wabalenhlanhla okungumfanyana kwempoko kweza njalo kusisa. Lapho wakuncenga kuhle waphetha ekuthumbile wahamba lakho angathi badobha lezompoko. Wakubuza ibizo kwathi kunguSukuzukuduma. USukuzukuduma kababa, uMjaji.
