Ukuthunjwa kukaSukuzukuduma olwalotshwa ngu-G. M. P Khiyaza
Sikumbuzo Dabengwa
Izimilo zabalingiswa ziyaqhutshwa
1. Amakhosikazi enkosi uMjaji
UMaThebe
Ulikhosikazi elilothando. Sibona kugwalo ehlupheka ngokuqaza ingane yakhe ukuba
uSukuzukuduma udlalela ngaphi ukuze angalahleki kanti usephuzile.
Sibuye simbone njengenina elalisekela usane lusengoziini. Sibona uSukuzukuduma ethunjwa ngenxa yokudlale-la emadwaleni abucwadlana lomuzi njalo eyedwa. Lokhu yikho okwanika isitha ithuba lokweba umntwana bo-na ababekholwa ukuba ubulewe.
Uyaboniswa. Udlalisa ingane yakhe uSukuzukuduma ethi nguCatshekhona. Ibizo leli uyalilandela uSukuzukudu-ma avele acatshe ekhona elizweni leButhembula abangazi khona. Uphinda ambize ngoSukuzukuduma kuhambe ngokutsho kwakhe umntwana acine esedumile ekugcineni.
Ulozwelo. Uzwa ubuhlungu ngokucatsha kukaSukuzukuduma ehluleke lokucupha isitshwala ukuba adle ngemva kokucatshelwa ngumntwana abemthembile ukuba uzakuba yindlalifa.
Ulochuku. Uthi etshaya izingane azitshaye angaze aphangisa ukuzekela. Lokhu kwakutshengisa ukuba ulochuku kakhulu ebantwaneni.
Ulolaka olumangalisayo. Utshaya uNtombizakithi ngomchilo othi usuphunyukile amklinye emphinjeni kulamule uQhawekazi abuye wamlandela wamluma isandla ngenxa yolaka.
Uyancitshana. Sibona kugwalo athi angatshaya umntwana abuye amncitshe ukudla alale engadlanga lutho.
Ulenkethabantu. Wayekhetha imuli kaMaXaba ayidlise luxlubhu emva kokulahlekelwa ngumntwana.
Ulobuthakathi enhliziyweni. Sibona ebulalisa uMaXaba ngoba efuna umntankhe abe yindlalifa.
UMaXaba
Ulomoya omubi. Kuthi umntwana kaMaThebe esecatshile afise ukuba acatshe kokuphela ukuze abakhe abant-wana babezindlalifa zikaMjaji.
Ulesibindi. Sibona eqanjelwa amanga okuba ngumbulali kaSukuzukuduma abhekane lokubulawa phambi kwa-bantwabakhe. Bayambulala ngokumgwaza nguMjaji, inkosi afe kanjalo nje.
Ungumuntu ofela amafufu njengegundwane Sibona inyanga yaseMazizini imqamba njengomthakathi obulele uSukuzukuduma kuthi lezinye izinyanga zilandele ngaphandle kweyodwa.
Ekucineni kuyavela ukuba ngeyodwa inyanga eyayileqiniso. Yena wayesefele ize.
Ungumfazi opha abantwana isibindi. Uthi engakabulawa aphe abantwabakhe ithemba ngokubalaya ukuba bagcinane, konke kuzabalungela. Lakanje kwaba njalo.
Uyengeka lula. Uqilwa yinkosi uMjaji ngokufuna amange kanti uzamthela ngomkhonto ebeleni ahle afe.
