Iqoqo: Umdumo wezinkondlo
Owalotshwa ngu N.S Sigogo labanye
Inkondlo: : Uhambo lolu eyalotshwa ngu E. M Matshona
Ophezulu Stinta
Okumunyethweyo
Imbongi ilandisa ngohambo olungakhethi mhlobo, uhambo lolu lusemlonyeni yabantu bonke. Imbongi ithi yona lapho umuntu lomuntu sekumele athathe lolu hambo, akalakho ukuphikisa kodwa uluthatha nje engelakuphikisa ngoba vele luhambo oluthathwayo, kumele luthathwe lunjalo.
Lolu hambo luyikufa komuntu yikho nje imbongi isitsho ukuthi lowo osethe wabizelwa lolu hambo ngeke aphikise. Ukufa lokhu kubuya ngendlela ezitshiyeneyo, amadoda asendulo abedonsa isigwagwa kusale kunuka insimbi phandle ayekulanda ukufa lokhu esiyahlasela besiyabulala, ngamadoda ayesilwa impi ke lawa, impi le kuyikuhlasela ukufa lokhu, ekuhlaseleni lapha kuvuka lona uhambo lokufa njalo, imbongi layo ize imangale ngelithi:
Izimpi zingaka awusuth unjani?,
Banengi abantu abafayo empini kufa abalwayo kufe labamsulwa nje abangadibananga lokulwa, loba kunjalo ukufa lokhu akuphumuli kumbe vele akusuthi kuthatha abancane kuthathe labadala, akulasizi ngitsho lalapho abanye bengabagulayo akubazweli ukuthi bayagula bayathathwa benjalo, bayabizelwa kuloluhambo. Loluhambo alula zwelo ngitsho luthatha ngitsho sekuthiwa sekusele intandane zodwa alula zwelo lolu hambo ukufa akula zwelo kuyathatha kuphela. Loluhambo luhanjwa kutshiywa iziga zonke zomhlaba, lalapho kukhangelwa emuva endulo le ensukwini zama Israeyeli, loluhambo belukhona, beluthathwa kungakhetheki ukuthi umuntu lo ukholelwa ngaphi.
Lwehlul’ endulo koIsraeyeli, UNkulunkulu kukhulunywa laye, aphendul’ uzizwela ngezakho. Kufa wehlul ukhona.
Ukusetshenziswa kolimi
Imbongi isebenzise ulimi oluhlabusayo enkondlweni lapha kusenza nje inkondlo ijuluke kamnandi kulowo obalayo.
Kwatsha ezimanzi, koba njani kwezomileyo?
Lapha imbongi isebenzise umbuzo ongadingi mpendulo, igcizelela ukuthi ukufa lokhu vele khona kakukhethi hlangothi, njalo akulakuthi laba ngabanjani kumele bafe ukufa okuthile wonke umuntu uyaluthatha lolu hambo nje kungakhethelekile ukuthi mncinyane kumbe ngomdala, kakuphenduleki ngoba wonke umuntu uyaluthatha lolu hambo.
Kusiqendu sokuqala, imbongi isebenzise ofana msindo ngokuphindwa kwamabala athile.
Lol’ uhambo luyingozi
Lol’ hambo luyindaba
Luyindab ehlul izazi
Imisindo le idala ubungoma enkondlweni ibisihlabeleka kamnandi ikholiseke koyifundayo.
