Online Reporter
YiNtatheli kaMthunywa
AMASIKO ngenye yezinto ezisixhumanisa lendawo esivela kuzo.
Amasiko, akundimi esizikhulumayo, emabizweni esiwaphiwayo, ekudleni esikuphekayo, endabeni esizilandiselwa ngabadala, emculweni esiwuthandayo lakumikhuba ehlanganisa izimuli.
Aphinda abonakale kundlela esiphila ngayo labanye.
EZimbabwe, amasiko ethu ayingxenye eqakathekileyo yokuba yithi kwethu. Njengoba izizukulwane ziguquka njalo indawo ngendawo ziqhubeka zisiba seduzane ngenxa yokuthuthuka kwezokuxhumana. Sekudingeka ukuthi siqinisekise ukuthi ulwazi, amasiko lemikhuba okuchaza ubuyithi bethu sibone ukuba siyakugagadlela.
Ukulondoloza isiko, ngakho-ke, akusikho nje ukubuyela emuva; kumayelana lokuqinisekisa ukuthi izizukulwane ezizayo ziyazi lapho ezivela khona njalo zithola ithuba lokuqhubekisela phambili amagugu la.
Kungenxa yalesi sizatho iNyaradzo Group isiziqhenya ngokusekela Ihlandla leMutupo Festival lesibili, elizaqhutshwa mhlaka 3 Mfumfu 2026 eSherwood Golf Club eHarare.
IMutupo Festival inikeza abantu beZimbabwe inkundla yokuhlangana lokuhlola ukuqakatheka kwezangelo zabo, ngesikhathi begubha amasiko, lemikhuba okumele kudluliselwe kuzizukulwane ezizayo.
Ngezingxoxo eziphathelane lamasiko, umculo, ukudla lokwabelana ulwazi, umkhosi lo unikeza izimuli lozulu ithuba lokuxhumana lengxenye eqakathekileyo empilweni zabo.
Ebantwini abanengi eZimbabwe, izibongo zingaphezu kwebizo nje. Zixhumene lembali yemuli, amadlozi, ubuyithi lokuba yingxenye yomphakathi.
Kusukela emandulo, abadala bebephethe ulwazi lolu njalo beludlulisela kwabanye ngezingxoxo, emihlanganweni yemuli lasekuphileni kwansuku zonke. Kodwa njengoba indlela yokuphila isiguquka njalo izizukulwane zikhulela endaweni ezitshiyeneyo, ezinye zalezingxoxo sezincipha.
Ngakho-ke, inkundla ezikhuthaza ingxoxo ezinje ziqakathekile.
IMutupo Festival inika izimuli ithuba lokwabelana ngezindaba, ukubuza imibuzo lokufunda kwabanye. Iphinda inike abasakhulayo ithuba lokwazi ngamagugu abo lokuzwisisa ukuthi isiko akusiyonto eyasala emuva, kodwa liqhubeka lisakha ubuyithi bethu lalamuhla.
KuNyaradzo Group, ukusekela uhlelo lolu kuhambelana lendlela iSahwira, esebenza ngayo.
Ukuba ngu-Sahwira kumbe nguMngane omkhulu kutsho ukuba seduze labantu ngezikhathi ezitshiyeneyo zempilo. Kutsho ukuma labangane ngezikhathi zentokozo, kanye lezobunzima, lokuzwisisa ukuthi ubudlelwano bethu lomphakathi budlula umsebenzi lokuncedisana.
Umsebenzi wethu uhlala usisondeza emulini lasemphakathini. Silenhlanhla yokuba yingxenye yezinye zezikhathi eziqakathekileyo empilweni zabantu, njalo ngalobubudlelwano siyazwisisa ukuqakatheka kwemuli, ubuyithi, imikhuba kunye lamasiko ahlanganisa umphakathi.
Ukuzwisisa lokhu yikho njalo okwenza sizimisele ukusekela ezobuciko lamasiko.
Eminyakeni edluleyo, iNyaradzo Group isekele inkundla ezinika abaculi beZimbabwe, abenza imisebenzi yobuciko labagcini bamasiko ithuba lokuziveza lokuthakazelela ubuyithi bethu.
Inkundla yethu yeNduri, egoqela uhlelo lweTsika Nemagariro, inikeza indawo yezingxoxo eziphathelane lamasiko eZimbabwe, imikhuba lamasiko ethu, kusenzelwa ukuthi lokhu kuhlale kuyingxenye yengxoxo zansuku zonke.
Kuzo zonke ingatsha zenkampani, amabhizimusi ethu, ancedisa ukwethula amasiko ngendlela ezilobuntu.
I-SATCLO ithakazelela ubuyithi bethu eZimbabwe ngezembatho, inika abantu ithuba lokugqoka ngokuziqhenya kukhuthazwa ngamagugu ethu.
I-SEAL yona idala ulwazi oluqotho oluhambelana lokudla, ukuzilibazisa, inika abantu ithuba lokuzwa ezinye ingxenye zesiko leZimbabwe endaweni ekhululekileyo njalo ethokozisayo.
Konke lokhu kuhlangana kuSahwira experience.
Kumbuthano yamasiko lasemicimbini, abaculi bangatshengisa umsebenzi wabo ngokuziqhenya begqoke ngeSATCLO, kuthi ukudla okuvela kuSEAL kwengeze enye ingxenye kuloluhlelo.
Kumayelana lokudala indawo lapho isiko elingakhulunywa kuphela, kodwa elibuye libonakale, lizwakale, linambitheke, ligqokwe njalo laziwe.
Ngakho ukuzimisela kwethu kumasiko akwehlukani lokuthi singobani njengeNyaradzo Group.
Kuyingxenye yendlela esisebenzisana ngayo labangane bethu abakhulu emphakathi.
Lokhu kugoqela ukusekela inkundla ezihlanganisa imiphakathi, zigubhe ubuyithi njalo zenze kube lamathuba okuthi izizukulwane zihlangane.
IMutupo Festival imele khona kanye lokhu.
Ngokusekela umkhosi lo, iNyaradzo Group ihamba labangane bayo ekugubheni amagugu abo njalo idala indawo yezingxoxo eziqakathekileyo eziphathelane lesiko.
Lithuba lokuma ndawonye lomphakathi ngesikhathi silondoloza amasiko, sisabelana ulwazi njalo sisethulela izizukulwane ezisakhulayo amagugu ethu azakwenza baziqhenye ngemvelaphi yabo.
Ukulondoloza isiko akutsho ukwala inguquko kumbe ukuzama ukuhlala kudala.
Kutsho ukugcina ulwazi, imbali lamasiko ethu ubuye ukwabele izizukulwane ezizayo.
Abasakhulayo beZimbabwe kumele bathole ithuba lokwazi indaba ezisemva kwamabizo abo, bazwisise amasiko emuli zabo njalo lamagugu abo ngendlela ehambelana lempilo yabo.
Nxa ulwazi lwamasiko lusabelwana, kudala ukuqhubeka kwempilo. Nxa ludluliselwa phambili, luqinisekisa ukuthi izizukulwane ezizayo zilobudlelwano labantu lamasiko okwafika phambi kwazo.
Kumabhizimusi, ukusekela inhlelo zamasiko lakho kulithuba lokuncedisa imiphakathi ezisebenza phakathi kwayo.
Ukuthuthuka akumayelana lokukhula komnotho kuphela; kumayelana lokuqinisa ubudlelwano, izimiso okwenza abantu bazizwe beyingxenye yendawo ethile.
Lokhu yikho okunye okwenze iNyaradzo Group yakhetha ukusekela iMutupo Festival.
Njengenhlanganiso ekhule ndawonye lemuli lemiphakathi yeZimbabwe, siyazwisisa ukuqakatheka kokuba khona endaweni eziqakathekileyo kubangane bethu.
Mhlaka 3 Mfumfu, iMutupo Festival izahlanganisa abantu ukuze bathakazelele amagugu eZimbabwe ngengxoxo, umculo, ukudla kanye lokunye okuphathelane lamasiko.
Kuzakuba yisikhathi sokuhlonipha izizukulwane ezafika phambi kwethu, sixhumane lamasiko ethu sibuye sikhuthaze abasakhulayo ukuthi babe lesifiso sokwazi amagugu abazawadlulisela phambili ngelinye ilanga.
KuNyaradzo Group, lokhu yikho ukuba nguMngane — ukuba khona, ukuzwisisa imiphakathi yethu lokuhamba labangane bethu ezikhathini ezitshiyeneyo zempilo.
Ukusekela kwethu iMutupo Festival, ngakho-ke, kuyingxenye yokuqhubekisela phambili ukuzimisela kwethu ekuthakazeleleni isiko leZimbabwe lokusekela abantu abalenza liqhubeke liphila.
Kusukela endabeni ezabelwana ngazo ngeNduri leTsika Nemagariro, kusiya ezembathweni ezitshengiswa yiSATCLO, ekudleni laselwazini olunikezwa yiSEAL, kanye labaculi labagcini bamasiko esiqhubeka sibasekela, iSahwira Experience ihlanganisa zonke lezingxenye.
Isiko alilondolozwa ngumuntu oyedwa kumbe yinhlanganiso eyodwa — lihlala liphila nxa umphakathi uhlangana ukuze usebenzise, ugubhe, wabelane ngalo njalo ulidlulisele phambili.
Nxa silondoloza isiko lethu, silondoloza indaba ezisitshela ukuthi singobani.
NjengoMngane, iNyaradzo Group iyaziqhenya ngokuncedisa ukulondoloza imbali yethu..
