Online Reporter
Ugwalo: Ukuthunjwa kukaSukuzukuduma
Olwalotshwa
nguGeshom MP Khiyaza
Sikumbuzo Dabengwa
Siyaqhubeka ngezifundo ezingavela kugwalo. Siyafundiswa kugwalo ukuba nxa ukholelwa emadlozini kulakho ukuba amadlozi, abadala basebenze empilweni yakho.
Sibona uSukuzukuduma ebuzisisa ngamadlozi kuzisebenzi.
UPayiva uyamtshela konke uSukuzukuduma azimisele ukwenza konke akulayelwa yiwo.
Siyafunda njalo ukuthi ukuba lemfihlo kudala ukuba izakhamizi zingakuzweli nxa wenze ulutho wazibeka ngaphandle.
Sibona uSinyoro lomkakhe bevumelana ekuthini bathumbe isisebenzi kuthi sesigila imikhuba bafise ukuba izakhamizi zibasize kodwa kwehlule.
Siyafunda njalo ukuba wonke umuntu uyabuyela kibo noma kanjani.
Sibona uSukuzukuduma ethunjwa emncinyane aphethe esebuyele kubo ekhaya.
Siyafundiswa njalo ukuba ezinye izinyanga ziba zinyanga zamanga. Sibona kugwalo inyanga yaseMazizini iqamba amanga ngoSukuzukuduma.
Acine evelile emaphethelweni.
Sifunda njalo ukuba inkolo zehlukene. Kulabo abakholelwa kwabaphansi izitha ziyajeziswa ngamadlozi.
Sibona kugwalo amadlozi ejezisa imuli kaSinyoro ngokuyithathela inotho yonke ababe gwaba ngayo beyidingela isigqili sokuyisebenza.
Sibuye sifundiswe ngobungozi bokudlalela emanzini, ikakhulu kuziziba ezitshonayo ezingaba lezingwenya kanye lezinyoka zamanzi.
Sibona uSukuzukuduma ebulala inyoka inyandezulu esemanzini.
Siyafunda futhi ukuba sibolalela abadala. Sibona isalukazi esezwa uSukuzukuduma ehlabela sadelelwa ngabantu ekuqaleni.
Kwaze kwathi ekugcineni saphiwa umvuzo wokusukumela phezulu ekwenzeni esikwenzayo.
Impinda muva yingozi.
Sifunda ukucabanga ngesiphetho nxa sithatha izinqumo.
OSinyoro loMaGumbo umkakhe behluleka ukucabanga ngobubi bokuphindisela.
USukuzukuduma waphindisela ngokubabulala, wabaphuca lezifuyo ezazingezabo. Asihlanganeni kwelizayo.
