Online Reporter
Nxa sisakha isibanjalo ezandisweni singasebenzisa indlela ezimbili. Singaqalisa ngo-ku: ngaphansi kwezibonelo lesibanjalo. Izibonelo: kude, isibanjalo kukude, lapha kulapha, khona kukhona, ekhaya kusekhaya, ntambama kuntambama.
Ukulandula ngaphansi kwesivumayo lesilandulayo. Esivumayo kukude, esilandulayo kakukude/akukude; kulapha kakulapha/akulapha; kusekhaya kakusekhaya/akusekhaya; kukhona kakukho/akukho; esivumayo kuntambama esilandulayo kakuntambama. Njalonjalo.
Isakhi sokulandula ngu-ka, kanti njalo bakhona abasebenzisa u-a-. Abanye njalo basebenzisa u-ayisikho elandelwa yisandiso njengokuthi ayisikho lapha, ayisikho ekhaya (njalonjalo).
Singaqalisa ngesivumelwano senhloko. Nanzi izibonelo ngaphansi kwesandiso lesibanjalo ngaphansi kwekuvuma lokulandula.
Isandiso – phandle, ukuvuma – baphandle ukulandula – abakho phandle. Isandiso phezulu ukuvuma uphezulu, ukulandula akakho phezulu, isandiso endle ukuvuma zisendle ukulandula azikho endle. Isandiso kude, ukuvuma bakude, ukulandula abakho kude.
Nanku esikuphawulayo: Esivumayo singaqalisa ngesivumelwano senhloko esiqondileyo.
Ekulanduleni kusetshenziswa u-khona ngokulandula elandelwa yisandiso.
Isibanjalo sokukhomba. Izibanjalo zokukhomba, njengezabizwana zokukhomba, zehlukana kathathu ekukhombeni kwazo. Zikhomba eduze, buqamama lakude. Sizatshengisa izibonelo zazo ngaphansi kwezigaba, eduze, buqamama lakude.
Isigaba 1, eduze nangu, buqamama nango, kude nanguya; Isigaba 1a eduze nangu, buqamama nango, kude nanguya.
Sizaqala lapha kunsuku ezilandelayo.
