Online Reporter
Sikumbuzo Dabengwa
Siyaqala
Siyaqala umsebenzi.( Hayeha.. hayeha….!)
Buyani lonke lizosincedisa! (Zhendem zhendem..!)
Siyaqala , siyaqala umsebenzi…
Buyani lonke lizosincedisa aaaa…..!
Luyakhala ubhulo lapha endlini. Bonke baphakamisa izigodo lezi kanye kanye batshaye umumbu ngokuvinyelela okukhulu.
Olunye luze lusale lutshaya phansi ngobhulo lanxa ingoma isiphelile ngoba amandla okufuqa alokhu ekhona kumsebenzi lo wokubhula umumbu.
Asikhangeleni imibuzo elandelayo.
i) Umumo okule indawo kusetshenzwa, ungabe ungumumo onjani?
ii) Kuyini okungenza laba abasebenzayo baqede lula umsebenzi wabo?
iii) Indlela yokusebenza le yenza abantu baqede nzima ukusebenza. Uyavumelana lombono lo? Phana izizatho zibembili zokusekela impendulo yakho.
iv) Kambe olivila uyatholakala yini kule indawo yokusebenza uhlabela?
Letha izizatho zakho.
Siyaqhubeka
Giga ntombazana
Ugigel’ usibali
Uyez’ endleleni
Usiphathel’ iziwiji
Ji, ji, ji, ji, ji iii
Uyakhala umgigo lapha yeka. Intombi iyawubamba umgigo lapha. Kungenzeka kuyajijiswana lomunye ukuze umsebenzi wabo ubenganeno. Lanxa eyedwa ulakho ukuwukalisa kuzwakale.
Ohlabela egiga, amadino uwaxotshela khatshana le. Ize ivuthwe injele Batayi. Kambe bona abagigayo baphumula nxa sekutheni ekugigeni?
Letha eminye imisebenzi ubuye ulethe lezingoma ezazihlatshelwa nxa isenziwa leyo misebenzi.. Ivilavoxo asilifuni. Sikhuthaza intsha ukuba kulula ukusebenza kuhlatshelwa ukuze umthwalo ubenganeno.
Asihlanganeni kwelizayo bafundi.
