Umbalisi uzihilela, atshiye inombolo yesihlobo

 

Ronald Mpofu

KULOMBALISI wesikolo seKwite Primary, esigabeni seMangwe esabelweni seMatabeleland South ozihilele phezulu kophahla ngesikhathi sekhefu lezifundo ngeviki edluleyo.

Isidumbu sikamuyi, uShelton Kasere Lubimbi, obeliminyaka engu-37 yokuzalwa, sitholakale silengile ngoLwesihlanu mhlaka 3 Ntulikazi, ngomunye wababalisi ngehola lika-10 ekuseni.

Isehlakalo lesi sibikwe emapholiseni eMangwe. Kubikwa isizatho sokuthi uLubimbi azibulale kasaziwa kodwa utshiye incwadi elotshwe inombolo zocingo zezihlobo zakhe. Isidumbu sihanjiswe esibhedlela sePlumtree ukuyahlolwa.

Isikhulumi samapholisa esabelweni seMatabeleland South u-Inspector Chiratidzo Dube uthe abantu nxa kukhona okubahlukumezayo, kabaxoxisane labanye.
“Amapholisa akhuthaza ukuthi kube lokuxoxisana emphakathini njalo nxa kulomuntu otshengisa izibonakaliso zokufuna ukuzihilela, kumele ancediswe, kulungiswe okumkhathazayo. Nxa kusenza, ancediswe athole usizo kugcitshi zempilakahle.”