adminYiNtatheli kaMthunywa
IZAKHAMIZI zeChezhou eHwange azilamathe ngesehlakalo sokufa komfana obeleminyaka engu-11 kukanti umngane wakhe usesibhedlela ngemva kokudla isithelo seganga esithiwa ngubhunzu.
Kuzwakale ukuthi mhlaka 19 Nkwenkwezi umuyi uKnowledge Dube wayehamba edlala egangeni lomngane wakhe uGeorge Jaiwa oleminyaka engu-6 baze babone isithelo sobhunzu basikha basidla.
Izakhamizi zakule indawo zibike ukuthi lezizithelo zobhunzu zinengi njalo ziyadliwa azibulali, zitholakala ikakhulu ngesikhathi sezulu.
Intathelizindaba izwe ukuthi kuthe kudlule amahola angamangaki abafana laba bagijinyiselwa esibhedlela seSt Patricks ngemva kokukhala ngezisu. Kwaba ngumnyama ngoba bathi befika uKnowledge wahle wabhubha.
Iphephandaba likaZulu lizame ukuxhumana lesikhulumi samapholisa eMatabeleland North, uSipiwe Makonese libuzisisa ngaloludaba, kodwa lehlulekile ngoba kuthiwe kakho ehofisini yakhe lanxa amanye amapholisa eveze ukuthi asachwayisisa ngembangela yokufa komfana lo.
“Indaba le imangalise isigaba lesi sonke ukuthi isithelo esijwayelekileyo singabulala umuntu. Omunye simuse esibhedlela,” kutsho isakhamuzi.
Online Reporter