adminKULENINA elileminyaka yokuzalwa engu-20 eselichothoze unina limethesa icala lokumthathela amatshamali akhe kukanti unina uthi umntanakhe li-satanist.
UVanessa Mooketsi lonina, uRevonia Mooketsi (38) bahlala eGanspan, bucwadlana leJan Kempdorp eNorthern Cape.
“UVanessa wake wangitshela ukuthi walaywa ukuthi angibulale ukuze abe lilunga lequla lama-satanist,” kutsho uRevonia.
“Kusukela nyakenye kangimzwisisi ukwenza kwakhe njalo wathi ngipende indlu yakhe ngombala omnyama.” UVanessa olosane olulenyanga eziyisitshiyagalolunye njalo owenza uGrade 11 walile ukuthi uli-satanist.
“Uhlupho yikuthi umama uthandana laboBen 10 njalo uhlala engethesa amacala okumthathela amajaha akhe kodwa yena nguye othatha amajaha ami,” kutsho uVanessa.
“Kulamajaha amabili angikhombisayo ngawala ngasengiwabona efika ngekhaya kwathiwa ngamatshamali kamama.”
“Ngazama ukwenqabela umama kodwa ngaxotshwa ngekhaya.”
Umqondisi wezemfundo eNorthern Cape, uOhentse Stander uvumile ukuthi imuli yakoMooketsi ilenhlupho.
“UVanessa nyakenye watshela omunye umbalisi ukuthi ulomoya omenza athande ukuzwisa abantu ubuhlungu.
Abesikolo babikela unina ngalokhu,” kutsho uStander.
URevonia usehambe emapholiseni ukuze ayethola i-protection order. — Ubulembu
Online Reporter